Nunavut Housing Corporation

ᐅᖅᓱᐊᓗᖃᐅᑎᖃᕐᕕᓄᑦ ᖃᑦᑕᖓᓂ ᐃᓇᖏᖅᓯᓂᕐᒧᑦ ᐱᓕᕆᐊᒃᓴᖅ

ᓇᐃᓈᖅᓯᒪᔪᑦ

ᐅᖅᓱᐊᓗᖕᒧᑦ ᐅᖅᑰᓴᐅᑕᐅᕙᒃᑐᒧᑦ ᖃᑦᑕᐅᔭᙳᐊᓂᒃ ᐊᓯᔾᔨᖅᓯᓂᕐᒧᑦ ᐱᓕᕆᐊᖑᕙᒃᑐᖅ (HOTRP-ᖑᓂᖃᖅᑕᐅᒋᓪᓗᓂ) ᐱᑎᑦᑎᕙᒃᐳᖅ ᐃᑲᔪᖅᓯᓂᕐᒥᒃ ᐊᖏᕐᕋᒥᓂᒃ ᓇᖕᒥᓂᖃᖅᑎᐅᔪᓄᑦ ᐊᓯᔾᔨᖅᓯᓂᐊᖅᑎᓪᓗᒋᑦ ᐅᖅᑰᓴᐅᒻᒧᑦ ᐅᖅᓱᐊᓗᖕᒧᑦ ᖃᑦᑕᐅᔭᙳᐊᒥᓂᒃ ᐊᒃᑐᐊᓂᓕᖕᓂᒡᓘᓐᓃᑦ ᐃᓚᒋᔭᐅᔪᓂᒃ, ᐊᒻᒪᓗᑦᑕᐅᖅ ᐃᓕᐅᖅᑲᖅᑕᐅᓂᖓᓄᑦ, ᑐᓐᓂᖅᑯᑕᐅᑐᐃᓐᓇᖅᐸᒃᑐᑎᒍᑦ $7,500-ᒧᑦ ᑎᑭᓪᓗᒍ ᐃᓂᒋᔭᐅᔪᒧᑦ ᐊᑕᐅᓯᕐᒧᑦ. ᖃᐅᔨᑎᑦᑎᔪᖃᕈᓐᓇᖅᐸᑦ ᑖᓐᓇ ᐱᑎᑕᐅᔪᖅ ᐊᑐᖅᑕᖃᕈᓐᓇᙱᓐᓂᖓᓂᒃ ᓄᓇᓕᖕᓂ ᐊᔪᙱᓐᓂᓕᖕᓂᒃ ᐃᖅᑲᓇᐃᔭᖅᑎᑕᐅᓇᔭᖅᑐᓂᒃ ᓄᓇᓕᖏᓐᓂ , ᐊᓯᖔᖏᓐᓂᒡᓗ ᐊᑐᖅᑕᐅᖔᓕᕈᓐᓇᖅᑐᓂᒃ ᐱᑕᖃᙱᑉᐸᑦ ᑲᔪᓯᑎᑦᑎᓂᐊᕐᓗᓂ ᐱᓕᕆᐊᖑᔪᒥᒃ, ᓄᓇᕘᒥ ᐃᒡᓗᓕᕆᔨᕐᔪᐊᒃᑯᑦ ᐊᑭᓖᑐᐃᓐᓇᕆᐊᖃᖅᐳᑦ ᑎᑭᑎᑦᑎᓂᕐᒧᑦ ᐊᑭᓕᕆᐊᓕᖕᓂᒃ ᑎᑭᑎᑦᑎᔪᒪᓗᑎᒃ ᑳᓐᑐᓛᖃᖅᑎᐅᓂᐊᖅᑐᒥᒃ ᐱᔭᕇᖅᓯᓂᐊᖅᑐᒥᒃ ᐱᔭᒃᓴᕆᔭᐅᔪᒥᒃ.

ᐋᖅᑭᒃᑕᐅᓯᒪᔪᖅᑕᖃᓕᖅᑐᖅ ᐅᓪᓗᒥᒃ ᑭᖑᓪᓕᖅᐹᖃᕐᕕᐅᔪᓐᓇᖅᑐᒥᒃ ᐄᐳᕈ 30-ᒥᒃ ᑕᒪᐃᓐᓄᑦ ᐊᑐᓂᑦ ᐊᕐᕌᒎᓄᑦ ᐋᖅᑭᒃᑕᐅᓯᒪᓪᓗᓂ ᐱᓇᔫᑎᒋᔭᐅᓂᐊᖅᑐᓄᑦ. ᑐᓂᓯᓂᖅ ᐱᓇᔫᑎᒋᔭᐅᔪᓂᒃ ᐅᓪᓗᐊ ᑭᖑᓪᓕᖅᐹᖅ ᑎᑭᓚᐅᖅᑳᖅᑎᓐᓇᒍ ᐱᑎᑦᑎᓪᓚᕆᖕᓂᐊᕐᓂᕋᕈᑕᐅᕙᒐᙱᓚᖅ ᑮᓇᐅᔭᖁᑎᒋᔭᐅᓂᐊᖅᑐᓂᒃ. ᑕᒪᕐᒥᑦᑎᐊᖅ ᐱᓇᔫᑎᒋᔭᐅᔪᑦ ᐅᓪᓗᓕᖅᓯᒪᔪᑦ ᐄᐳᕈ 30-ᒥᒃ ᑐᖓᓂᓘᓐᓃᑦ ᐃᓱᒪᒃᓴᖅᓯᐅᕈᑕᐅᓂᐊᖅᐳᑦ ᐊᑕᐅᑦᑎᒃᑰᖅᑕᐅᓗᑎᒃ.

ᐱᔪᓐᓇᖅᑎᑕᐅᔪᓄᑦ ᐱᓕᕆᔾᔪᔾᔭᐅᕙᒃᑐᓂᑦ

  • ᑐᒃᓯᕋᖅᑐᖅ(ᑦ) ᐊᕐᕌᒍᖃᓪᓗᐊᖅᐳᑦ 19-ᓂᑦ.
  • ᑕᒪᓐᓇ ᐱᓕᕆᐊᒃᓴᖅ ᒪᓕᒃᐳᖅ ᑮᓇᐅᔾᔭᒃᓴᓂᕐᒧᑦ ᐱᔪᓐᓇᖅᑎᑕᐅᔪᓄᑦ ᑭᒡᓕᐅᔪᓂᑦ ᐋᖅᑭᒃᑕᐅᓯᒪᔪᒥᑦ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᒥᑦ ᑮᓇᐅᔾᔭᒃᓴᓂᕐᒧᑦ ᐱᔪᓐᓇᖅᑎᑕᐅᔪᓄᑦ (ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᒧᑦ ᑮᓇᐅᔾᔭᒃᓴᓂᕐᒧᑦ) ᓈᓴᐅᑎᖏᓐᓄᑦ
  • ᐱᓇᔪᒃᑐᑦ ᐱᓯᒪᔭᕆᐊᖃᖅᐳᑦ ᐱᖃᕐᓂᕋᐃᓯᒪᔪᓂᒃ (ᐊᑐᖅᑐᐊᖅᓯᓂᕐᒧᓪᓘᓐᓃᑦ ᐱᖃᕐᓂᕋᐃᓯᒪᔪᓂᒃ) ᑖᔅᓱᒧᖓ ᐱᖁᑎᒋᔭᐅᔪᒧᑦ. ᐅᓇ ᐅᔾᔨᕆᔭᐅᓕ: ᐱᑕᖃᖅᐸᒌᖅᑐᑦ ᓄᓇᕘᒥ ᐃᒡᓗᓕᕆᔨᕐᔪᐊᒃᑯᓐᓄᑦ ᐊᖏᕐᕋᒥᒃ ᓇᖕᒥᓂᖃᕐᓂᕐᒧ ᐱᓕᕆᕝᕕᐅᕙᒃᑐᑦ ᐱᓯᒪᙱᑦᑐᑦ ᐊᑐᖅᑐᐊᕐᓂᕐᒧᑦ ᐱᖃᕐᓂᕋᐃᓯᒪᔪᓂᒃ ᐃᓂᒋᔭᐅᔪᒧᑦ, ᑭᓯᐊᓂ ᐃᓂᖃᖅᖢᑎᒃ ᐊᖏᕐᕋᕆᔭᐅᔪᒥᒃ ᐅᒫ ᐊᑖᒍᑦ, ᐃᓂᖃᓕᕐᓂᕐᒧᑦ ᐊᖏᖃᑎᒌᒍᑕᐅᓯᒪᔪᒥᒃ ᐊᔪᖅᑎᑕᐅᙱᓚᑦ HOTRP-ᒧᑦ ᐃᒪᐃᑉᐸᑕ, ᑕᒪᕐᒥᑦᑎᐊᖅ ᐊᓯᓕᒫᖏᑦ ᐊᔪᖅᑎᑕᐅᙱᓐᓂᕐᒧᑦ ᒪᓕᒃᑕᐅᔭᕆᐊᓖᑦ ᐊᑐᖅᑕᐅᓯᒪᒐᓗᐊᕐᒪᖔᑕ.
  • ᐱᑕᖃᕐᓂᖓᓄᑦ ᖁᐊᖅᓵᕐᓇᑐᐃᓐᓇᕆᐊᓕᖕᒥᒃ ᐊᕙᑎᒥᒃ ᓱᕈᖅᑎᕆᔪᖃᕋᔭᕐᓂᖓᓄᑦ, ᑕᒪᕐᒥᑦᑎᐊᖅ ᐱᓕᕆᕝᕕᒋᔭᐅᔪᑦ ᑎᓕᐅᖅᑕᐅᕗᑦ ᐱᓇᔪᖁᔭᐅᓪᓗᑎᒃ ᐅᖅᓱᐊᓗᖕᒥᒃ ᑯᕕᔪᖃᕐᓂᖓᓄᑦ ᓇᓪᓕᐅᒃᑯᒫᖃᕋᔭᕐᓂᕐᒥᒃ ᑕᒪᓐᓇ ᐃᓚᒋᔭᐅᑎᓪᓗᒍ ᐊᖏᕐᕋᕆᔭᒥᓄᑦ ᓇᓪᓕᐅᒃᑯᒫᕆᔭᒥᓂᒃ.