ᑐᐊᕕᕐᓇᖅᑐᒥ ᐋᖅᑭᒋᐊᖅᓯᓂᕐᒧᑦ ᐱᓕᕆᐊᒃᓴᖅ

• ᒥᓇᕐᓂᖅ ᑐᑦᓯᕋᐅᑎᒥᑦ ᑕᑕᑎᕆᐊᓕᒻᒥᑦ
• ᒥᓇᕐᓂᖅ ᒪᓕᒐᕐᓂᑦ

ᓇᐃᓈᖅᓯᒪᔪᑦ

ᑐᐊᕕᕐᓇᖅᑐᒥ ᐋᖅᑭᒋᐊᖅᓯᓂᕐᒧᑦ ᐱᓕᕆᐊᒃᓴᖅ (ERP) ᑐᓂᓯᕙᕐᐳᑦ ᐃᑲᔪᖅᓱᐃᓂᕐᒥᑦ ᐃᓄᖕᓄᑦ ᓇᖕᒥᓂᖃᖅᑐᓄᑦ ᐊᒻᒪᓗ ᐊᖏᕐᕋᒥᓃᑦᑐᓂ ᐱᓕᕆᓂᕐᒧᑦ ᑐᐊᕕᕐᓇᖅᑐᒥ ᐋᖅᑭᒋᐊᖅᓯᓂᕐᓄᑦ ᐅᓗᕆᐊᓇᕈᑎᖃᑐᐃᓐᓇᕆᐊᓕᖕᒥᑦ ᐃᒡᓗᖃᖅᑐᓄᑦ ᐋᓐᓂᐊᖃᖅᑕᐃᓕᒪᓂᖓᓐᓂ ᐊᒻᒪᓗ/ᐅᕝᕙᓘᓐᓃᑦ ᐊᑦᑕᓇᔾᓴᐃᖅᓯᓂᖓᓄᑦ, ᐊᒻᒪᓗ ᐱᔭᕆᐊᖃᖅᑐᓂ ᓇᓗᓇᐃᖅᓯᓂᕐᒧᑦ ᐊᑦᑕᓇᙱᑦᑐᒥ ᐃᓄᖃᕐᓂᖓᓄᑦ ᐃᒡᓗᖁᑎᖓᓐᓂ. ᐃᑲᔪᖅᓱᐃᓂᖅ ᐊᐃᑦᑑᑎᐅᓪᓗᑎᒃ ᐊᖏᓛᖓᓄᑦ ᐊᖏᓂᐅᔪᒥ $15,000-ᒧᑦ, ᑐᙵᕕᖃᖅᖢᓂ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᒥᑦ ᑮᓇᐅᔾᔭᒃᓴᓂᕐᒧᑦ ᐱᔪᓐᓇᖅᑎᑕᐅᔪᓄᑦ (ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᒧᑦ ᑮᓇᐅᔾᔭᒃᓴᓂᕐᒧᑦ) ᓈᓴᐅᑎᓂᑦ.

ᐱᔪᓐᓇᖅᑎᑕᐅᔪᓄᑦ ᐱᓕᕆᔾᔪᔾᔭᐅᕙᒃᑐᓂᑦ

• ᑐᒃᓯᕋᖅᑐᖅ(ᑦ) ᐊᕐᕌᒍᖃᕆᐊᖅᐳᖅ 19-ᓂᑦ ᐊᒻᒪᓗ ᓄᓇᖃᖅᓯᒪᓗᓂ ᓄᓇᕗᒻᒥ ᐊᕐᕌᒍᓪᓗᐊᓄᑦ ᒪᕐᕉᖕᓄᑦ.
• ᑕᒪᓐᓇ ᐱᓕᕆᐊᒃᓴᖅ ᒪᓕᒃᐳᖅ ᑮᓇᐅᔾᔭᒃᓴᓂᕐᒧᑦ ᐱᔪᓐᓇᖅᑎᑕᐅᔪᓄᑦ ᑭᒡᓕᐅᔪᓂᑦ ᐋᖅᑭᒃᑕᐅᓯᒪᓂᖏᑎᒍᑦ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᒧᑦ ᑮᓇᐅᔾᔭᒃᓴᓂᕐᒧᑦ ᐱᔪᓐᓇᖅᑎᑕᐅᔪᓄᑦ (HPIE) ᓈᓴᐅᑎᓂᑦ.
• ᑐᒃᓯᕋᖅᑎᐅᔪᖅ(ᑦ) ᐊᑐᖅᑐᐊᕐᓂᕐᒧᑦ ᐅᕝᕙᓘᓐᓃᑦ ᐃᒡᓗᖁᑎᑖᕋᓱᖕᓂᕐᒧᑦ ᐊᑭᓕᒃᓴᓕᖕᓂ ᓇᓕᐊᑐᐃᓐᓇᓂ ᓄᓇᓕᖕᓂ ᐃᒡᓗᓕᕆᔨᒃᑯᓐᓄᑦ ᑲᑐᔾᔨᖃᑎᒌᖑᔪᓄᑦ ᓄᓇᕗᒻᒥ, ᐅᕝᕙᓘᓐᓃᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᐅᕝᕙᓘᓐᓃᑦ ᐊᓯᐅᔨᓯᒪᑎᑦᑎᓯᒪᓗᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᐱᔪᓐᓇᕋᔭᙱᓚᑦ ᐱᓕᕆᐊᒃᓴᒧᑦ ᑭᓯᐊᓂ ᑖᒃᑯᐊ ᐊᑭᓕᒃᓴᐃᑦ ᐅᕝᕙᓘᓐᓃᑦ ᐊᓯᐅᔨᓂᐅᔪᑦ ᐊᑭᓕᖅᑕᐅᒃᐸᑕ ᑕᒪᒃᑭᕐᓗᒋᑦ. ᑭᓯᐊᓂ, ᓇᓗᓇᐃᖅᓯᒪᔪᓂ ᖃᓄᐃᓐᓂᐅᔪᓄᑦ. ᐃᓱᒪᖅᓲᑕᐅᓗᓂ ᐊᕕᒃᑐᖅᓯᒪᓂᐅᔪᓂ ᑐᑭᒧᐊᖅᑎᑦᑎᔨᒧᑦ, ᑕᒪᓐᓇ ᐱᔭᕆᐊᖃᕐᓂᐅᔪᖅ ᐲᖅᑕᐅᔪᓐᓇᖅᐳᖅ.
• ᑐᒃᓯᕋᖅᑐᖅ(ᑦ) ᐱᓯᒪᔭᕆᐊᖃᖅᐳᑦ ᑎᒍᒥᐊᖅᓯᒪᓂᐅᔪᒥ (ᐅᕝᕙᓘᓐᓃᑦ ᐊᑐᖅᑐᐊᒐᒧᑦ ᑎᒍᒥᐊᕐᓂᕐᒥᑦ) ᓇᖕᒥᓂᐅᔪᒧᑦ. ᐱᑕᖄᓂᒃᑐᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᒡᓗᒥ ᓇᖕᒥᓂᖃᖅᑎᐅᔪᒧᑦ ᐱᓕᕆᔾᔪᔾᔭᐅᕙᒃᑐᑦ ᐱᓯᒪᑦᑎᖏᑦᑐᓂ ᐊᑐᖅᑐᐊᒐᒧᑦ ᑎᒍᒥᐊᕐᓂᕐᒥᑦ ᓇᖕᒥᓂᕆᔭᐅᔪᒧᑦ, ᑭᓯᐊᓂ ᐃᒡᓗᖃᕐᓗᓂ ᐃᒡᓗᖓᓂ ᐅᕘᓇ ᐃᒡᓗᖃᕐᓂᕐᒧᑦ ᐊᖏᕈᑎᒃᑯᑦ ᐱᔪᓐᓇᖅᑎᑕᐅᔪᓐᓇᑦᐳᑦ ᑐᐊᕕᕐᓇᖅᑐᒥ ᐋᖅᑭᒋᐊᖅᓯᓂᕐᒧᑦ ᐱᓕᕆᐊᒃᓴᖅ ᑭᓯᐊᓂ ᑕᒪᒃᑭᓕᒫᑦ ᐊᓯᖏᑦ ᐱᔪᓐᓇᖅᑎᑕᐅᔪᓄᑦ ᐱᔭᕆᐊᓕᖏᓐᓂ ᑭᐅᒪᔭᐅᒍᑎᒃ.

ᐱᔪᓐᓇᖅᑎᑕᐅᔪᓄᑦ ᐋᖅᑭᒃᓱᖅᑕᐅᓂᕐᒧᑦ

ᐱᔪᓐᓇᖅᑎᑕᐅᔪᓄᑦ ᐋᖅᑭᒃᓱᖅᑕᐅᓂᕐᒧᑦ ᑭᒡᓕᖃᖅᐳᑦ ᑕᐃᒃᑯᓄᖓ ᑐᐊᕕᕐᓇᖅᑐᓄᑦ ᐱᔭᕆᐊᓕᖕᓄᑦ ᐊᑦᑕᓇᔾᔭᐃᖅᓯᒪᐃᓐᓇᕐᓂᕐᒧᑦ ᐃᓄᖃᕐᓂᖓᓄᑦ ᐃᒡᓗᒥᑦ.

ᐱᔪᓐᓇᖅᑎᑕᐅᔪᓄᑦ ᐋᖅᑭᒃᓱᖅᑕᐅᓂᕐᒧᑦ ᐃᓚᖃᖅᐳᑦ:

• ᑐᙵᕕᖓᓂ - ᐋᖅᑭᒃᑕᐅᓂᖓ/ᐃᓇᖏᑦᑕᐅᓂᖓ ᓱᔪᐃᓯᒪᔪᓂᑦ ᑐᙵᕕᐅᔪᓂᑦ/ᓇᖏᕐᕕᓂᑦ.
• ᓴᓇᕋᐃᑦ (ᐃᓗᐊᒍᑦ ᓯᓚᑖᕈᓪᓘᓐᓃᑦ) - ᐋᖅᑭᒃᑕᐅᓂᖓ/ᐃᓇᖏᑦᑕᐅᓂᖓ ᓱᔪᐃᓯᒪᔪᓂᑦ ᑐᙵᕕᐅᔪᓂᑦ/ᓇᖏᕐᕕᓂᑦ.
• ᓇᑏᑦ ᐊᒻᒪ ᐃᒡᓘᑉ ᖁᓕᖓᓂ - ᐊᑐᕐᓂᕐᒥᑦ ᓵᓗᕿᓂᑦ, ᕿᔪᖕᓂ ᓴᓇᓯᒪᔪᓂ ᓴᓂᕋᒃᓴᓄᑦ, ᐃᒡᓗᑉ ᖁᓛᖓᑕ ᕿᔪᖏᑦ ᐅᕝᕙᓘᓐᓃᑦ ᐊᑭᓐᓂᓕᐅᑏᑦ ᓴᓂᕋᒃᓴᓄᑦ ᐱᕐᔪᐊᖑᔪᓂ ᓱᔪᐃᓂᐅᔪᓂᑦ ᑕᑯᒃᓴᐅᓂᖃᕐᓂᖓᓂ.
• ᐊᒥᐊᕆᓂᖅ - ᐊᒥᐊᕆᓂᖅ ᐱᔭᕆᐊᖃᕐᓂᖓᓂ ᐋᖅᑭᒃᓱᖅᑕᐅᓂᐅᔪᖃᓚᐅᖅᑎᓪᓗᒍ.
• ᐃᑭᐊᕐᒥᐅᑕᒃᓴᔭᖅ - ᐊᓱᕐᓂᕐᒥᑦ ᐃᑭᐊᕐᒥᐅᑕᒃᓴᔭᓂᑦ ᐱᔭᕆᐊᖃᕈᓂ; ᐊᑐᕐᓂᕐᒥᑦ ᑭᒡᓕᕇᒃᑯᓯᓂᑦ ᐊᒻᒪᓗ ᓱᕕᔾᔭᐃᒃᑯᑎᓂᑦ ᓱᓇᒃᑯᑖᓂᑦ; ᐊᑐᕐᓂᕐᒥᑦ ᐃᒡᓗᓕᐅᕐᓂᕐᒧᑦ ᐸᐃᑉᐹᒥᑦ ᐃᑭᐊᕐᒥᐅᑕᒃᓴᓂᕐᒧᑦ ᐱᔾᔪᑕᐅᔪᓄᑦ; ᐊᑐᕐᓂᕐᒥᑦ ᓵᓗᕿᓂᑦ ᓯᓂᖓᓄᑦ ᖁᕝᕙᕆᐊᖅᓯᒪᔪᓄᑦ ᐃᒡᓗᓄᑦ.
• ᐹᓄᑦ - ᐃᓇᖏᖅᑕᐅᓗᑎᒃ ᐱᔭᕆᐊᖃᕈᑎᒃ.
• ᐃᒐᓛᓄᑦ - ᐊᑐᕐᓂᕐᒥᑦ ᐊᓕᒍᕐᒥᑦ ᐅᕝᕙᓘᓐᓃᑦ ᕿᕋᑕᔪᒥᑦ ᐊᐅᒃᑕᔫᒥᑦ ᐋᖅᑭᒃᓱᐃᓂᕐᒧᑦ ᐃᓇᖏᖅᓯᓂᕐᒥᓘᓐᓃᑦ ᐱᔭᕆᐊᖃᕈᓂ.
• ᑯᕕᔪᓕᕆᓂᖅ - ᐋᖅᑭᒃᓱᖅᑕᐅᓂᖓᓂ ᐱᔭᕆᐊᓕᖕᓂ ᐋᖅᑭᒃᓯᓂᕐᒧᑦ ᐋᓐᓂᐊᕐᓇᖃᕐᓇᙱᑦᑐᒧᑦ ᐅᕝᕙᓘᓐᓃᑦ ᐊᑦᑕᓇᖅᑐᓄᑦ ᐅᓗᕆᐊᓇᕈᑕᐅᔪᓄᑦ.
• ᐅᐊᔭᓕᕆᓂᖅ - ᐋᖅᑭᒃᑕᐅᓂᖓ/ᐃᓇᖏᑦᑕᐅᓂᖓ ᓱᔪᐃᓯᒪᔪᓂᑦ ᑐᙵᕕᐅᔪᓂᑦ/ᓇᖏᕐᕕᓂᑦ.
• ᐅᖅᑰᓴᐅᑎᓂᑦ - ᐋᖅᑭᒃᑕᐅᓂᖓᐅᕝᕙᓘᓐᓃᑦ ᐃᓇᖏᑦᑕᐅᓂᖓ ᐅᖅᓱᐊᓗᖃᕐᕕᓄᑦ ᐱᓕᕆᔾᔪᓯᐅᔪᓂ ᐊᒻᒪᓗ ᐅᖅᑰᓴᐅᑎᓄᑦ ᐱᓕᕆᔾᔪᓯᐅᔪᓄᑦ/ᐃᒡᓗᒦᐅᑕᓄᑦ ᐃᓚᖏᓐᓂᓪᓘᓐᓃᑦ. ᑕᒪᕐᒥᒃ ᐅᖅᑰᓴᐅᑎᓄᑦ ᐱᓕᕆᔾᔪᑕᐅᔪᑦ ᐃᓕᔭᐅᔭᕆᐊᖃᖅᐳᑦ ᒪᓕᒡᓗᑎᒃ ᓴᓇᔨᐅᔫᑉ ᓇᓗᓇᐃᖅᓯᒪᓂᖏᑎᒍᑦ.
• ᐅᖃᐅᓯᒃᓴᖅ: ᐱᑕᖄᓂᒃᑐᓂ ᐅᖅᑰᓴᐅᑎᓄᑦ ᐱᓕᕆᔾᔪᓯᐅᔪᓂ ᐱᔭᐅᓂᐊᖅᑐᓂ, ᐃᓱᒪᒃᓴᖅᓯᐅᕆᔭᕆᐊᖃᖅᐳᑦ ᐃᑭᓐᓂᕐᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᑭᓱᑐᐃᓐᓇᓄᑦ ᐱᒻᒪᕆᐅᕗᖅ.
• ᐃᒡᓘᑉ ᖄᖓ - ᐋᖅᑭᒃᑕᐅᓂᖓ ᐱᔭᕆᐊᓕᖕᓂ ᐋᖅᑭᒃᓯᓂᕐᒧᑦ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐊᒻᒪ ᐊᑦᑕᓇᔾᔭᐃᖅᓯᓂᕐᒧᑦ ᐅᓗᕆᐊᓇᕈᑕᐅᔪᓂᑦ.
• ᐊᓂᕐᓂᒃᓴᖅ ᐃᖏᕐᕋᓂᖓᓂ - ᐊᑐᕐᓂᕐᒥᑦ ᐊᓂᐊᕝᕕᓂᑦ ᐊᒻᒪᓗ ᑕᓗᖏᓐᓂᑦ ᐱᐅᓯᒋᐊᖅᑎᑦᑎᓂᕐᒧᑦ ᐊᓂᕐᓂᒃᓴᒥᑦ ᐃᖏᕐᕋᓂᐊᓂ.