ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐃᑲᔪᖅᓱᐃᓂᖅ ᐱᓕᕆᐊᒃᓴᖅ
ᐅᕘᓇ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᒧᑦ ᐊᒻᒪᓗ ᐃᑲᔪᖅᓱᐃᓂᒃᑯᑦ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᑲᔪᖅᓱᐃᕗᑦ ᓄᓇᖃᖅᑎᐅᔪᓂᑦ ᐊᑭᓖᔪᓐᓇᖅᑐᓂ ᐊᑭᖏᓐᓂ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓂᕐᒧᑦ ᐊᒻᒪᓗ ᑲᔪᓯᑎᑦᑎᓂᐅᔪᒥᑦ ᐊᖏᕐᕋᖓᓐᓂ. ᐊᒻᒪᓗᑦᑕᐅᖅ, ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐃᓕᓐᓂᐊᕐᓂᐅᔪᒥᑦ ᐊᒻᒪᓗ ᐃᓅᓯᓕᕆᓂᒃᑯᑦ ᐱᔨᑦᑎᕋᕐᓂᕐᒥᑦ ᑐᓂᓯᕙᒃᑭᕗᑦ ᐃᒡᓗᒥᑦ ᓇᖕᒥᓂᖃᖅᑎᐅᔪᓄᑦ. ᑖᒃᑯᐊ ᐱᔨᑦᑎᕋᕐᓂᐅᔪᑦ ᐃᓚᖃᖅᐳᑦ ᐅᖃᖃᑎᖃᕐᓂᐅᔪᓂᑦ ᐃᓱᒪᓇᓂ ᓂᐅᕕᕐᓂᕐᒥᑦ ᐱᑕᖄᓂᒃᑐᓂ ᐊᖏᕐᕋᐅᔪᓂᑦ, ᐅᕝᕙᓘᓐᓃᑦ ᓄᑖᒥᒃ ᐊᖏᕐᕋᒥᒃ ᓴᓇᔭᐅᓂᖓᓂ, ᐋᖅᑭᒃᓱᖅᑕᐅᓂᖓᓄᑦ, ᓄᑖᙳᕆᐊᖅᑕᐅᓂᖓᓄᑦ, ᑮᓇᐅᔭᒃᑯᕕᖕᒥ ᑮᓇᐅᔭᖃᖅᑎᑕᐅᓂᖓᓄᑦ ᐊᒻᒪᓗ ᐆᒻᒪᖅᑯᑎᓄᑦ ᐊᑐᓗᐊᖅᑕᐃᓕᒪᑎᑦᑎᓂᐅᔪᓄᑦ.
ᑐᕌᒐᒃᓴᐃᑦ
- ᐃᑲᔪᖅᓱᐃᓂᕐᒧᑦ ᐊᒻᒪᓗ ᐃᑲᔪᕐᓂᕐᒧᑦ ᓄᓇᕗᒻᒥᐅᓂᑦ ᐃᒡᓗᒥᑦ ᓇᖕᒥᓂᖃᖅᑎᐅᑦᑎᐊᕐᓂᖏᓐᓂ ᑕᐃᒪᐃᖏᓐᓇᕐᓗᑎᒃ.
- ᐃᑲᔪᖅᓱᐃᓂᕐᒧᑦ ᐊᒻᒪᓗ ᐃᑲᔪᕐᓂᕐᒧᑦ ᓄᓇᕗᒻᒥᐅᓂᑦ ᓂᐅᕕᕐᓂᕐᒧᑦ, ᓴᓇᓂᕐᒧᑦ, ᓄᑖᙳᕆᐊᖅᑎᑦᑎᓂᕐᒧᑦ ᐊᒻᒪᓗ ᑲᔪᓯᑎᑦᑎᓂᕐᒧᑦ ᐊᖏᕐᕋᖓᓐᓂ.
- ᐱᓕᕆᓂᕐᒧᑦ ᐊᒻᒪᓗ ᐱᐅᓯᒋᐊᖅᑎᑦᑎᓂᕐᒧᑦ ᐆᒻᒪᖅᑯᑎᓄᑦ ᐊᑐᑦᑎᐊᕐᓂᐅᔪᓂᑦ ᓇᖕᒥᓂᕆᔭᐅᔪᓄᑦ ᐊᖏᕐᕋᓂ ᓄᓇᕗᒻᒥ.
ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᖅ
ᓄᑕᔾᔨᖅᑕᖅᑐᖅ ᐆᒻᒪᖁᑎ ᐊᖏᕐᕋᓂᑦ ᓇᖕᒥᓂᓕᖕᓄᑦ ᐊᐃᑦᑑᓯᐊᓄᑦ ᐱᓕᕆᔾᔪᑎ (REHGP)
ᐱᓕᕆᐊᕆᓇᓱᐋᖅᑕᖓ ᓄᑕᔾᔨᖅᑕᖅᑐᖅ ᐆᒻᒪᖁᑎ ᐊᖏᕐᕋᓂᑦ ᓇᖕᒥᓂᓕᖕᓄᑦ ᐊᐃᑦᑑᓯᐊᓄᑦ ᐱᓕᕆᔾᔪᑎᐅᑉ (REHGP) ᐃᑲᔪᕈᑕᐅᓇᓱᐊᕐᒪᑦ ᐊᖏᕐᕋᓂᑦ ᓇᖕᒥᓂᓕᖕᓄᑦ ᐋᖅᑭᒃᓯᑎᓪᓗᒋᑦ ᓯᕿᓂᖅᒨᖅᑐᒥᑦ ᓄᑕᔾᔨᖅᑕᖅᑐᑦ ᐆᒻᒪᖁᑎᓕᐅᕈᑎ. ᑎᑭᑕᐅᓇᓱᐊᕐᒪᑕ ᒥᑭᓂᖅᓴᐅᓕᖅᑎᑕᐅᓇᓱᐊᕐᓗᑎᒃ ᐊᑐᖅᑕᐅᓂᖓ ᓱᑲᓐᓇᖅᑐᑉ ᐋᖅᑭᒃᓱᖅᓯᒪᕕᖏᑦ ᓄᓇᓕᖕᓂ, ᐊᖏᓂᖅᓴᐅᓕᖅᑎᑕᐅᖁᓪᓗᒍ ᓇᖕᒥᓂᖅ−ᑕᑎᒋᔪᓐᓇᕐᓂᖅ, ᐊᒻᒪᓗ ᒥᑭᓂᖅᓴᐅᓕᖅᑎᑕᐅᓗᓂ ᐅᖅᑰᓯᕙᓪᓕᐊᑎᑕᐅᔪᖅ ᐳᓪᓚᖅ (GHG) ᐳᔪᕐᓗᐋᕿᓂᖅ ᐃᓘᓐᓇᓕᒪᖓᓂ ᓄᓇᓕᖃᕐᕕᐅᔪᓕᒫᒥ.
ᓄᓇᕗᒻᒥ ᐃᒡᓗᑖᕋᓱᐊᕐᓂᕐᒧᑦ ᐃᑲᔫᓯᐊᑦ ᐃᑲᔪᖅᓱᐃᓂᖅ ᐱᓕᕆᐊᒃᓴᖅ (NDAP)
ᑐᓂᓯᕙᒃᐳᑦ ᑮᓇᐅᔭᓂᒃ ᐃᑲᔪᕈᑎᒃᓴᓂᒃ ᐃᒡᓗᑖᕋᓱᐊᕐᓂᕐᒧᑦ ᐃᑲᔫᓯᐊᒥᑦ ᐃᑲᔪᕐᓂᕐᒧᑦ ᓄᓇᕗᒻᒥᐅᓂ ᐃᒡᓗᒥᑦ ᓇᖕᒥᓂᖃᖅᑎᐅᓂᕐᒧᑦ ᓂᐅᕕᕐᓂᒃᑯᑦ ᓴᓇᓗᑎᒡᓘᓐᓃᑦ ᐊᖏᕐᕋᒃᓴᒥᑦ.
ᐊᖏᕐᕋᒥ ᓄᑖᙳᕆᐊᖅᑎᑦᑎᓂᕐᒧᑦ ᐱᓕᕆᐊᒃᓴᖅ (HRP)
ᑮᓇᐅᔭᑎᒍᑦ ᐃᑲᔪᖅᓱᐃᕗᑦ ᓄᓇᕗᒻᒥ ᐃᒡᓗᒥᑦ ᓇᖕᒥᓂᓕᖕᓂᑦ ᐋᖅᑭᒃᓱᐃᓂᕐᒧᑦ, ᐋᖅᑭᒋᐊᒃᓯᓂᕐᒧᑦ ᓄᑖᙳᕆᐊᖅᑎᑦᑎᓂᕐᒧᓪᓘᓐᓃᑦ ᐊᖏᕐᕋᒥᓂᑦ.
ᑐᐊᕕᕐᓇᖅᑐᒥ ᐋᖅᑭᒋᐊᖅᓯᓂᕐᒧᑦ ᐱᓕᕆᐊᒃᓴᖅ (ERP)
ᐃᑲᔪᖅᓱᐃᕗᑦ ᐃᒡᓗᒥᑦ ᓇᖕᒥᓂᓕᖕᓄᑦ ᐋᖅᑭᒋᐊᖃᓪᓚᕆᒃᑐᓂ ᐱᔭᕆᐊᓕᖕᓂ ᐊᑦᑕᓇᔾᔭᐃᖅᓯᒪᐃᓐᓇᕐᓂᕐᒧᑦ ᐊᒻᒪᓗ ᐃᓄᖃᐃᓐᓇᕈᓐᓇᕐᓂᖓᓄᑦ ᐊᖏᕐᕋᒥᓂᑦ.
ᐃᓄᑐᖃᕐᓄᑦ ᐊᖏᕐᕋᖓᓄᑦ ᐋᖅᑭᒋᐊᖅᑕᓂᖓᓄᑦ ᐱᓕᕆᐊᒃᓴᖅ (SCHRP)
ᐃᑲᔪᕐᓗᑎᒃ ᐃᓄᑐᖃᕐᓂᑦ ᐱᓪᓚᕆᐅᔪᓂ ᐋᖅᑭᒃᓱᐃᓂᐅᔪᓂᑦ ᐊᖏᕐᕋᖏᑕ ᐆᒻᒪᖅᑯᑎᓕᕆᓂᖓᓄᑦ ᐱᓕᕆᔾᔪᓯᐅᔪᓄᑦ, ᐊᓯᐊᒍᓪᓘᓐᓃᑦ ᐱᔭᕆᐊᖃᕐᓂᐅᔪᓂ ᐃᑲᔪᕐᓂᖃᕋᔭᖅᑐᒥ ᐊᑐᐃᓐᓇᕈᑦᑎᐊᕈᓐᓇᕐᓂᖓᓂ.
ᐃᓄᑐᖃᕐᓄᑦ ᐊᒻᒪᓗ ᑎᒥᒥᒍᑦ ᐊᔪᕈᑎᓕᖕᓄᑦ ᓱᕋᓗᐊᖅᑕᐃᓕᑎᑦᑎᓂᕐᒧᑦ ᐃᑲᔪᖅᑕᐅᒍᑎᒃᓴᖅ ᐱᓕᕆᐊᒃᓴᖅ (SDPMP)
ᐃᑲᔪᖅᓱᐃᓗᓂ ᐃᓄᑐᖃᕐᓂᑦ ᐊᒻᒪᓗ ᑎᒥᒥᒍᑦ ᐊᔪᕈᑎᓕᖕᓂ ᓇᖕᒥᓂᖃᖅᑎᐅᔪᓄᑦ ᑕᒪᐃᑎᒍᑦ ᑲᔪᓯᑎᑦᑎᐊᕐᓂᐅᔪᓄᑦ ᑭᓱᑐᐃᓐᓇᓄᑦ. ᑕᒪᓐᓇ ᐱᓕᕆᐊᒃᓴᖅ ᐊᑭᓖᓲᖑᒋᕗᖅ ᐊᓯᐊᒍᑦ ᐱᔭᕆᐊᖃᕐᓂᐅᔪᓂ: ᖃᐅᔨᓴᖅᑕᐅᓂᕐᓄᑦ, ᑲᔪᓯᑎᑦᑎᐊᖏᓐᓇᕐᓂᕐᒧᑦ ᐊᖏᕐᕋᒥ ᓱᖏᐅᔾᔨᓂᐅᔪᓂᑦ ᐱᐅᓯᒋᐊᖅᑎᑦᑎᓇᔭᖅᑐᓂ ᐊᐅᓚᔪᓐᓇᕐᓂᖓᓄᑦ.
ᐅᖅᓱᐊᓗᖃᐅᑎᖃᕐᕕᓄᑦ ᖃᑦᑕᖓᓂ ᐃᓇᖏᖅᓯᓂᕐᒧᑦ ᐱᓕᕆᐊᒃᓴᖅ (HOTRP)
ᐃᑲᔪᖅᐳᖅ ᓄᓇᕗᒻᒥ ᐃᒡᓗᒥᑦ ᓇᖕᒥᓂᓕᖕᓂᑦ ᐃᓇᖏᖅᓯᓂᕐᒧᑦ ᐅᖅᓱᐊᓗᖃᐅᑎᖃᕐᕕᓄᑦ ᖃᑦᑕᖓᓐᓂᑦ ᐱᐅᔪᓐᓃᖅᑐᓂᑦ ᑭᐅᒪᓂᕐᒧᑦ ᒫᓐᓇᐅᔪᒥ ᐊᑐᕆᐊᖃᖅᑐᓂᑦ.
ᐊᑐᖅᑐᐊᖅᑎᒥᑦ ᓇᖕᒥᓂᖃᖅᑎᒧᑦ ᐱᓕᕆᐊᒃᓴᖅ (TOP)
ᐱᔪᓐᓇᖅᑎᑦᑎᕗᖅ ᐃᒡᓗᖃᖅᑎᐅᔪᓂᑦ ᐊᑭᓖᔪᓐᓇᖅᑐᓂ ᐊᒻᒪᓗ ᑲᒪᒋᔭᖃᕐᓂᕐᒥᑦ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᓂᐅᕕᕐᓗᓂᔾᔪᒃ ᒫᓐᓇᐅᔪᒥ ᐃᓄᓕᒫᓄᑦ ᐃᒡᓗᖃᖅᑎᑦᑎᓂᕐᒧᑦ ᐃᒡᓗᖁᑎᖓᓐᓂ. ᑕᒪᓐᓇ ᐱᓕᕆᐊᒃᓴᖅ ᒫᓐᓇᐅᔪᒥ ᓄᖅᑲᖓᑎᑕᐅᓚᐅᑲᒃᑐᖅ ᕿᒥᕐᕈᔭᐅᒃᑲᓐᓂᕐᓂᐊᕐᓂᖓᓂ.
ᐃᓐᓇᕐᓄᑦ ᑭᒃᑯᑐᐃᓐᓇᓄᓪᓗ ᑎᒥᒥᑎᒍᑦ ᐊᔪᕈᑎᓕᓐᓄᑦ ᐃᑲᔪᖅᑕᐅᔾᔪᑏᑦ ᐃᓪᓗᒋᔭᖏᓐᓄᑦ (SPDHOP)
ᐃᓐᓇᕐᓄᑦ ᑭᒃᑯᑐᐃᓐᓇᓄᓪᓗ ᑎᒥᒥᑎᒍᑦ ᐊᔪᕈᑎᓕᓐᓄᑦ ᐃᑲᔪᖅᑕᐅᔾᔪᑏᑦ ᐃᓪᓗᒋᔭᖏᓐᓄᑦ ᐱᕕᖃᖅᑎᑦᓯᖃᑦᑕᖅᑐᑦ ᐃᓇᕐᓂᑦ ᑎᒥᒥᑎᒍᓪᓗ ᐊᔪᕈᑎᓕᓐᓂᑦ ᓇᒻᒥᓂᖃᖅᑐᓂᑦ ᑲᒪᒋᔭᖃᕐᓂᕐᒥᓪᓗ ᐊᖏᕐᕋᒥᑦ ᐱᔭᕆᐊᖅᑐᖅᓯᒪᓕᖅᑐᖅ, ᓅᑎᑦᓯᓂᕐᒥᑦ ᐃᓪᓗᖏᓐᓂᑦ ᑭᓇᒧᑦ ᐃᓪᓗᓕᕆᔨᒃᑯᑦ ᐃᓪᓗᖁᑎᖏᓐᓄᑦ (ᐃᓪᓗᓕᕆᔨᒃᑯᓪᓘᓐᓃᑦ ᐃᓪᓗᖁᑎᒋᔭᐅᔪᓄᑦ ᐅᑕᖅᑭᔪᓄᑦ) ᐊᑭᓕᖅᑐᐃᒍᓐᓇᖅᑐᓂᑦ ᐊᑭᓕᖅᑐᐃᖏᓐᓇᓂᕐᒥᑦ ᐃᓪᓗᒥ ᓇᒻᒥᓂᖃᕐᓂᕐᒧᑦ. ᓅᑎᑦᓯᓂᕐᒧᑦ ᓇᓗᓇᐃᖅᓯᔪᖅᑕᖃᖏᑉᐸᑦ, ᐱᔨᑦᓯᕋᖅᑕᐅᔪᑦ ᓂᐅᕕᐊᖑᑎᑦᓯᒍᓐᓇᖅᑐᑦ ᐊᖏᕐᕋᖏᓐᓂᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᓐᓄᑦ.
ᓅᑕᐅᑎᓪᓗᒍ ᓂᐅᕕᐊᖑᑎᓪᓗᒍᓪᓘᓐᓃᑦ ᐊᖏᕐᕋᕆᔭᖅ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᓐᓄᑦ, ᐱᔨᑦᓯᕋᖅᑕᐅᔪᑦ ᐱᕕᖃᖅᑎᑕᐅᖃᑦᑕᖅᑐᑦ ᓯᕗᓪᓕᐅᔾᔭᐅᓂᕐᒧᑦ ᐱᔪᓐᓇᓂᕐᒥᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐃᓪᓗᓕᕆᔨᒃᑯᑦ ᐃᓪᓗᖁᑎᖏᓐᓂᑦ ᐱᓕᕆᐊᓄ.
ᓇᒻᒥᓂᖃᕐᓂᕐᒧᑦ ᐃᓪᓗᒥ ᐱᓕᕆᐊᑦᓴᖅ ᑮᓇᐅᔭᓕᐊᕆᔭᐃᑦ ᐱᔪᓐᓇᖅᑐᑦ (HPIE) ᓄᓇᓕᑎᒍᑦ
| ᓄᓇᓕ | Household Income Threshold |
|---|---|
| Arctic Bay | $173,000 |
| Arviat | $158,500 |
| Baker Lake | $161,000 |
| Cambridge Bay | $169,000 |
| Kinngait | $161,500 |
| Chesterfield Inlet | $167,500 |
| Clyde River | $169,500 |
| Coral Harbour | $161,000 |
| Gjoa Haven | $172,000 |
| Grise Fiord | $172,000 |
| Sanirajak | $168,500 |
| Kimmirut | $166,000 |
| Kugaaruk | $182,000 |
| Kugluktuk | $169,500 |
| Igloolik | $159,500 |
| Iqaluit | $177,500 |
| Pangnirtung | $163,500 |
| Pond Inlet | $167,500 |
| Qikiqtarjuaq | $160,500 |
| Rankin Inlet | $185,000 |
| Naujaat | $168,000 |
| Resolute Bay | $186,000 |
| Sanikiluaq | $161,000 |
| Taloyoak | $181,000 |
| Whale Cove | $160,000 |
ᓇᒻᒥᓂᖃᕐᓂᕐᒧᑦ ᐃᓪᓗᒥ ᐱᓕᕆᐊᑦᓴᖅ ᑮᓇᐅᔭᓕᐊᕆᔭᐃᑦ ᐱᔪᓐᓇᖅᑐᑦ ᖃᑦᓯᐅᓂᖏᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᓇᒻᒥᓂᖃᕐᓂᕐᒧᑦ ᐃᓪᓗᒥ ᐱᓕᕆᐊᑦ ᑐᙵᕕᖃᖅᑐᑦ ᓄᑖᙳᖅᐸᓪᓕᐊᔪᓄᑦ ᓄᓇᓕᓐᓂᑦ ᐱᔭᕆᐊᖃᕐᓂᖏᓐᓄᑦ ᑮᓇᐅᔭᓕᐊᕆᔭᐃᑦ ᐅᑎᖅᑎᒐᑦᓴᐅᔪᓐᓃᕐᕕᖓᓂ (CNIT), ᐊᑐᐃᓐᓇᐅᑎᑕᐅᔪᑦ ᑲᓇᑕᒥ ᓇᒻᒥᓂᖅᑖᖅᐸᓪᓕᐊᓂᖅ ᐃᓪᓗᓕᕆᔨᕐᔪᐊᒃᑯᓐᓄᑦ, ᖃᑦᓯᐅᓂᖏᓪᓗ ᐃᓚᒋᔭᖃᖅᓱᑎᒃ ᐊᑕᖏᖅᑐᒥᑦ ᓇᓚᐅᑦᓵᖅᓯᒪᔪᓂᑦ ᓴᓇᔭᐅᓂᕐᒧᑦ ᐊᑭᖏᑦ.
ᐃᖃᐅᒪᔭᕆᐊᓕᒃ ᐅᑭᐅᖅᑕᖅᑐᒥᑦ ᐃᑲᔫᑏᑦ ᐱᖃᓯᐅᑎᖏᑦᑐᑦ.