Iglugiyaq Nutanguqtigaunia Havagut
Nainaqhimayuq
Tamna Nunavut Tigutyutikhamik Ikayut Havagut (NDAP-nga) ikayuqtai kivgaqtugauyut pitaqninik nanminiq igluqaqniq atuqhugit atuqtauvaktut kiinauyaliqutinut ikayutinut piyauni piqaqtitiniqmun kiinauyaliqutinut ikayutinik atuqpiaqtitninut kivgaqtugauyut piqaqni qullit pusauyumik taphuma katitlugu iglup akitunianik ikayuqhugit tigutyutikhanut akiliqhiniqmik.
Tapkuat NHC-kut piqaqtitiniat tunityutinik piplugit utiqtittagittuq atugaq akiliqtut taphuminga akitunit hunat, uhityutai hanayikhatlu, anginiqpamut aktilanganik $65,000, piplugit tapkuat iglumiutagit manikhauhi, piqaqtitiniqlu tamna kituliqak aktilanga avatquta $50,000 atuqtauyuq piluaqtumik ikumatyutit atuqluaqtailininut nakuuhivalliqnit. Maniktakhat tuniuqagialik nanminiq igluqaqtunut piplugit allatqilat aktilangit. Anginiqpamik tunityutit aktilangi piyalgit ihuaqhini atuqhugit iglumiutagit manikhauhit pusaunianik amounts taphuma HPIE-nga kiklikhai nunaligiyamingnut.
Tapkunani tukhigaqtuq pitaqhimataqat HRP-kut ikayuguta nutanguqtiginiqmun iglugiyaminik, tukhigaphalat ilagiagutmik $15,000 nakuuhivalliqninut tapkuat ikumatyutit nakuuhivalliqnit iglugiyamingnut.
Kivgaqtugauyut havalgit tapkuninga:
- Ihuaqhaqni tapkuat piqataunilu kanturagutinut taphumunga tamaitnut kanturaktitiyimun naamagiyanut tapkuat NHC-kut. Kivgaqtugauyut pilaqtitaulat atuqninik tapkuat havat inmingnik pikpata pihimanit piyalgit ayuitnit naunaiqhimayaitigut tapkunanga NHC-kut.
- Akiliqtuqni tamaita akitunit avatqutai tapkuat angiqtauyut aktilanga ikayugutit.
Pilaqtut Kivgaqtugauyut
Tamna tukhigaqtuq piyalik ikitniqhamik 19-nik ukiulik nunaqaqlunilu Nunavutmi ikitniqhamik malguknik ukiuknik.
- Una havagut maliktai manikhauhit pilaqnit kikligiyai ihuaqhihimayai tapkunani Nanminiq Igluqarniq Havagutit Manikhauhiat Pilaqtut (HPIE-ngi) nappai (Takulugu NHC-kut VOI Hivuligutit).
- Tukhigaqtut atuqtuagutilgit akiliqtutitluniit iglutarniqmun atugalgit kitunutliqak Nunalikni Igluligiyit Timingani Nunavutmi tapkunungaluniit NHC-kut, ahiagutluniit pipkaihimayut tammainit tapkununga NHC-kut, pilaittut tapkuninga havagutinik utaqilugu tahapkuat atugait tammainitluniit akiliqtaulgaqtitlugu tamaat. Kihimik, ihumamiqhutik tapkuat Kuapurisan Ataniuyut Katimayigalaat, una oiyaqaqnia atungilqtuq, pituaqat tamna kivgaqtugauyuq angiqat titiqatigut Utiqtitakhanik Akiliqtuiniqmik Atugaqnik Atugakhaliat.
- Tamna tukhigaqtuq piyaqaqta taiguhia (atuqtuaqtumutluniit taiyaunia) taphumunga piqutimun. Atuqtut NHC-kut nanminilgit igluqaqtut kivgaqtugauyut pitaqhimaitai atuqtuagutmun taiyaunia taphumunga piqutimun, kihimik nayuqnia tamna iglu atuqhugu Nayuqtaunianut Angigut pilaqtut taphuminga HRP-nga pihimakpata tamaita ahii pilagutit piyaqaqni naamakhikpata.
Aktitqit Aktilangi Maniktakhat
Maniktakhat tuniuqagialgit nanminiliknut igluqaqtut piplugit allatqikni aktilangi. Anginiqpaq tunityut aktilaq ihuaqhiyalik piplugu iglumiutagit manikhauhiat pusaunianut tamna HPIE-nga kikligiya nunaligiyaminut, tahapkuatut:
| Manikhauhiq % taphumanga nualiuyumin HPIE-nga Kikligiya | Anginiqpaq Tunityut Aktilanga |
|---|---|
| 0% tikitlugu 80% | 100% hanayaunianut akitunia tikitlugu anginiqpaq tamna $ 65,000 |
| >80% tikitlugu 85% | 80% hanayaunianut akitunia tikitlugu anginiqpaq tamna $ 52,000 |
| >85% tikitlugu 90% | 60% hanayaunianut akitunia tikitlugu anginiqpaq tamna $ 39,000 |
| >90% tikitlugu 95% | 40% hanayaunianut akitunia tikitlugu anginiqpaq tamna $ 26,000 |
| >90% tikitlugu 100% | 20% hanayaunianut akitunia tikitlugu anginiqpaq tamna $ 13,000 |
| >90% tikitlugu 100% |