ᓄᓇᕗᒻᒥ ᐃᒡᓗᑖᕋᓱᐊᕐᓂᕐᒧᑦ ᐃᑲᔫᓯᐊᑦ ᐃᑲᔪᖅᓱᐃᓂᖅ ᐱᓕᕆᐊᒃᓴᖅ
ᓇᐃᓈᖅᓯᒪᔪᑦ
ᓄᓇᕗᒻᒥ ᐃᒡᓗᑖᕋᓱᐊᕐᓂᕐᒧᑦ ᐃᑲᔫᓯᐊᑦ ᐃᑲᔪᖅᓱᐃᓂᖅ ᐱᓕᕆᐊᒃᓴᖅ (NDAP) ᐃᑲᔪᖅᐸᒃᐳᑦ ᐱᓕᕆᔾᔪᔾᔭᐅᕙᒃᑐᓂ ᑎᑭᐅᒪᓂᕐᒧᑦ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐅᕘᓇ ᐊᑐᖅᑕᐅᒐᔪᒃᑐᒥ ᑮᓇᐅᔭᖃᖅᑎᑕᐅᓂᕐᒧᑦ ᐃᑲᔪᖅᓱᐃᓂᕐᒥᑦ ᓇᓗᓇᐃᖅᓯᓂᕐᒧᑦ ᐱᓕᕆᔾᔪᔾᔭᐅᕙᒃᑐᑦ 10%-ᖓᓂ ᑲᑎᓪᓗᒍ ᐃᒡᓗᒧᑦ ᐊᑭᖓᓂ ᐃᑲᔪᖅᓱᐃᓂᕐᒧᑦ ᐃᒡᓗᑖᕋᓱᐊᕐᓂᕐᒧᑦ ᐃᑲᓖᔾᔪᑎᒃᓴᒧᑦ.
ᓇᖕᒥᓂᖅ ᑮᓇᐅᔭᖃᖅᑎᑕᐅᓂᕐᒥᑦ (ᐃᒡᓗᖁᑎᑖᕋᓱᖕᓂᕐᒧᑦ ᓇᖕᒥᓂᖃᖅᑏᑦ ᑮᓇᐅᔭᖃᕐᓂᕆᔭᖏᑦ) ᐃᑲᔫᓯᐊᒥᑦᐱᓕᕆᔾᔪᔾᔭᐅᕙᒃᑐᒥᑦ, ᑲᑎᙵᓂᖃᕐᓗᓂ ᓄᓇᕗᒻᒥ ᐃᒡᓗᑖᕋᓱᐊᕐᓂᕐᒧᑦ ᐃᑲᔫᓯᐊᑦ ᐃᑲᔪᖅᓱᐃᓂᖅ ᐱᓕᕆᐊᒃᓴᖅ, ᓇᓗᓇᐃᔭᐃᓂᐊᖅᐳᖅ ᐱᓕᕆᔾᔪᔾᔭᐅᕙᒃᑐᑦ ᑭᐅᓂᖓᓂ ᒥᑭᓛᖓᓂ ᐃᒡᓗᑖᕋᓱᐊᕐᓂᕐᒧᑦ ᐊᑭᓕᐅᑎᒥᒃ ᐱᔭᕆᐊᖃᕐᓂᐅᔪᒥᑦ ᐊᑐᖅᑕᐅᒐᔪᒃᑐᓂ ᐃᒡᓗᖁᑎᑖᕋᓱᖕᓂᕐᒧᑦ ᐊᑐᖅᑐᐊᖅᑎᓂᑦ.
ᓄᓇᕗᒻᒥ ᐃᒡᓗᑖᕋᓱᐊᕐᓂᕐᒧᑦ ᐃᑲᔫᓯᐊᑦ ᐃᑲᔪᖅᓱᐃᓂᖅ ᐱᓕᕆᐊᒃᓴᖅ ᐊᑐᐃᓐᓇᐅᑎᑕᐅᕗᖅ ᐃᓱᒪᒋᔭᐅᔪᓐᓃᓲᖑᓪᓗᓂ ᒪᕐᕈᖓᓂ ᐃᒡᓗᖁᑎᑖᕋᓱᖕᓂᕐᒧᑦ ᐊᕐᕌᒍᓄᑦ 10-ᓄᑦ ᐱᓕᕆᐊᖑᔪᒥᑦ. ᐃᓱᒪᒋᔭᐅᔪᓐᓃᕐᓂᖃᙱᓚᖅ ᓯᕗᓪᓕᕐᓂ ᐊᕐᕌᒍᓄᑦ 5-ᓄᑦ.
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑐᓂᓯᓂᐊᖅᐳᖅ ᐊᑕᐅᓰᑐᐃᓐᓇᖅᑐᒥ ᑐᙵᓂᐅᔪᒥᑦ ᐃᑲᔫᓯᐊᒥᑦ ᐃᓱᒪᒋᔭᐅᔪᓐᓃᖅᑕᐅᓐᓇᖅᑐᒥ ᐊᑐᖅᑐᐊᕐᓂᐅᔪᒥᑦ ᐊᑭᒃᖠᒋᐊᖅᑎᑦᑎᓂᕐᒧᑦ ᐊᑭᖓᓂ ᓂᐅᕕᕐᓂᕐᒧᑦ ᐱᑕᖄᓂᒃᑐᒥ ᐊᖏᕐᕋᒥᑦ ᓴᓇᓗᓂᓘᓐᓃᑦ ᓄᑖᒥᒃ ᐊᖏᕐᕋᒥᑦ. ᐱᕕᖃᖅᑎᑕᐅᔪᓐᓇᖅᑐᑦ ᐊᑕᐅᓰᑐᐃᓐᓇᕐᓗᓂ ᑐᙵᓂᐅᔪᒥᑦ ᐱᓕᕆᐊᖑᔪᓐᓇᖅᐳᖅ ᐊᖏᖅᑕᐅᓂᒃᑯᑦ ᐊᖓᔪᖅᑲᐅᕕᖓᑦᑕ ᐊᐅᓚᑦᑎᔨᖏᑕ ᑲᑎᒪᔨᕋᓛᖏᑦ.
ᖁᑦᑎᖕᓂᓕᕇᒃᑐᑦ ᑮᓇᐅᔭᖃᖅᑎᓂᐅᕙᒃᑐᑦ
ᓄᓇᕗᒻᒥ ᐃᒡᓗᑖᕋᓱᐊᕐᓂᕐᒧᑦ ᐃᑲᔫᓯᐊᑦ ᐃᑲᔪᖅᓱᐃᓂᖅ ᐱᓕᕆᐊᒃᓴᖅ ᐃᑲᔫᓯᐊᖓ ᑐᙵᕕᖃᖅᐳᖅ 7.5 ᐳᓴᖓᓂ ᑲᑎᓪᓗᒋᑦ ᐊᑭᖏᓐᓂᑦ, ᐊᖏᓛᖓᓄᑦ $30,000-ᒧᑦ. ᐱᓕᕆᔾᔪᔾᔭᐅᕙᒃᑑᑉ ᐊᑭᓕᕆᐊᓕᖓ ᐃᑲᔫᓯᐊᒥᑦ ᒥᑭᓛᖓᓐᓂ 2.5 ᐳᓴᓐᑎᐅᔭᕆᐊᖃᖅᐳᖅ ᑲᑎᓪᓗᒍ ᐊᑭᖓᓐᓂᑦ.
ᒪᓕᒃᑐᖅ ᓇᓗᓇᐃᒃᑯᑕᖅ ᑐᓂᔭᐅᕗᖅ ᑕᑯᒃᓴᐅᑎᑦᑎᓂᕐᒥᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑭᒡᓕᖓᓂ ᐃᑲᔪᖅᓱᐃᓂᕐᒧᑦ ᐊᒻᒪᓗ ᐱᓕᕆᔾᔪᔾᔭᐅᕙᒃᑑᑉ ᓇᖕᒥᓂᖅ ᑮᓇᐅᔭᖃᖅᑎᑕᐅᓂᕐᒧᑦ ᐃᑲᔫᓯᐊᖓᓐᓂ, ᑐᙵᕕᖃᖅᖢᓂ ᑲᑎᓪᓗᒋᑦ ᐊᑭᐅᔪᓂ ᐱᒋᐊᕐᓗᓂ $50,000-ᒥᑦ $400,000-ᒧᑦ. ᓇᓚᐅᓯᒪᓪᓚᕆᖕᓂᖓ ᐃᑲᔫᓯᐊᖓᓐᓂ ᓇᓗᓇᐃᖅᑕᐅᓂᐊᖅᐳᑦ ᓇᐃᓴᐅᓯᕆᓂᕐᒥᑦ ᐳᓴᓐᑎᖓᓐᓂᑦ ᐊᑭᓪᓚᕆᒋᔭᖓᓐᓂᑦ.
| ᓂᐅᕕᕐᓂᕐᒧᑦ ᐊᑭᖓ | ᐱᓕᕆᔾᔪᔾᔭᐅᕙᒃᑐᖅ 2.5% | ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ 7.5% | ᑲᑎᓪᓗᒍ 10.0% |
|---|---|---|---|
| $50,000 | $1,250 | $3,750 | $5,000 |
| $75,000 | $1,875 | $5,625 | $7,500 |
| $100,000 | $2,500 | $7,500 | 10,000 |
| $125,000 | $3,125 | $9,375 | $12,500 |
| $150,000 | $3,750 | $11,250 | $15,000 |
| $175,000 | $4,375 | $13,125 | $17,500 |
| $200,000 | $5,000 | $15,000 | $20,000 |
| $225,000 | $5,625 | $16,875 | $22,500 |
| $250,000 | $6,250 | $18,750 | $25,000 |
| $275,000 | $6,875 | $20,625 | $27,500 |
| $300,000 | $7,500 | $22,500 | $30,000 |
| $325,000 | $8,125 | $24,375 | $32,500 |
| $350,000 | $8,750 | $26,250 | $35,000 |
| $375,000 | $9,375 | $28,125 | $37,500 |
| $400,000 | $10,000 | $30,000 | $40,000 |
ᐱᔪᓐᓇᖅᑎᑕᐅᔪᓄᑦ ᐱᓕᕆᔾᔪᔾᔭᐅᕙᒃᑐᓂᑦ
- ᑐᒃᓯᕋᖅᑐᖅ(ᑦ) ᐊᕐᕌᒍᖃᓪᓗᐊᖅᐳᑦ 19-ᓂᑦ.
- ᑕᒪᓐᓇ ᐱᓕᕆᐊᒃᓴᖅ ᒪᓕᒃᐳᖅ ᑮᓇᐅᔾᔭᒃᓴᓂᕐᒧᑦ ᐱᔪᓐᓇᖅᑎᑕᐅᔪᓄᑦ ᑭᒡᓕᐅᔪᓂᑦ ᐋᖅᑭᒃᑕᐅᓯᒪᔪᒥᑦ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᒥᑦ ᑮᓇᐅᔾᔭᒃᓴᓂᕐᒧᑦ ᐱᔪᓐᓇᖅᑎᑕᐅᔪᓄᑦ (ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᒧᑦ ᑮᓇᐅᔾᔭᒃᓴᓂᕐᒧᑦ) ᓈᓴᐅᑎᖏᓐᓄᑦ
- ᑐᒃᓯᕋᖅᑐᖅ(ᑦ) ᒫᓐᓇᐅᔪᒃᑯᑦ ᓇᖕᒥᓂᖃᕆᐊᖃᙱᓚᖅ ᐊᖏᕐᕋᒥᑦ ᓇᖕᒥᓂᖃᕐᓂᕐᒥᑦ ᓄᓇᓕᖕᓂ ᑐᒃᓯᕋᖅᑎᓪᓗᒋᑦ ᓄᓇᕗᒻᒥ ᐃᒡᓗᑖᕋᓱᐊᕐᓂᕐᒧᑦ ᐃᑲᔫᓯᐊᑦ ᐃᑲᔪᖅᓱᐃᓂᖅ ᐱᓕᕆᐊᒃᓴᖅ ᐊᕐᕌᒎᓚᐅᖅᑐᓂ (5)-ᓄᑦ. ᑭᓯᐊᓂ, ᐱᔭᕆᐊᖃᓪᓚᕆᒃᑐᓂᒃ ᖃᓄᐃᓐᓂᐅᔪᓂᑦ ᐱᕕᖃᖅᑎᑕᐅᔪᓐᓇᖅᑐᓄᑦ ᐊᑐᕈᓐᓇᖅᐳᑦ.
- ᑐᒃᓯᕋᖅᑎᐅᔪᖅ ᑐᒃᓯᕋᖃᑎᒋᔭᖓᓗ ᐱᓯᒪᔭᕆᐊᖃᙱᓚᑦ ᓯᕗᓂᐊᓂ ᐃᑲᔪᖅᓱᐃᓂᐅᔪᓂᒃ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᑦ ᓂᐅᕕᕐᓂᕐᒧᑦ ᓴᓇᓂᕐᒧᓪᓘᓐᓃᑦ ᐊᖏᕐᕋᒃᓴᒥ ᐊᕐᕌᒎᓚᐅᖅᑐᓄᑦ 10-ᓄᑦ. ᐱᔭᕆᐊᖃᓪᓚᕆᒃᑐᓂᒃ ᖃᓄᐃᓐᓂᐅᔪᓂᑦ, ᐊᒻᒪᓗ ᐊᖏᖅᑕᐅᓯᒪᓗᓂ ᐊᖓᔪᖅᑲᐅᕕᖓᑦᑕ ᐊᐅᓚᑦᑎᔨᖏᑕ ᑲᑎᒪᔨᕋᓛᖏᓐᓂᑦ, ᑕᒪᓐᓇ ᐱᔭᕆᐊᖃᕐᓂᐅᔪᖅ ᐲᖅᑕᐅᔪᓐᓇᖅᐳᖅ. (ᖃᐅᔨᒋᐊᒃᑲᓐᓂᕐᓂᕐᒧᑦ, ᑕᑯᒍᒃ ᓄᓇᕗᒻᒥ ᐃᒡᓗᑖᕋᓱᐊᕐᓂᕐᒧᑦ ᐃᑲᔫᓯᐊᑦ ᐃᑲᔪᖅᓱᐃᓂᕐᒧᑦ ᐱᓕᕆᐊᒃᓴᒧᑦ ᒪᓕᒋᐊᖃᖅᑕᖏᓐᓂ)
- ᑐᒃᓯᕋᖅᑎᐅᔪᑦ ᐊᑐᖅᑐᐊᕐᓂᕐᒧᑦ ᐅᕝᕙᓘᓐᓃᑦ ᐃᒡᓗᖁᑎᑖᕋᓱᖕᓂᕐᒧᑦ ᐊᑭᓕᒃᓴᓕᖕᓂ ᓇᓕᐊᑐᐃᓐᓇᓂ ᓄᓇᓕᖕᓂ ᐃᒡᓗᓕᕆᔨᒃᑯᓐᓄᑦ ᑲᑐᔾᔨᖃᑎᒌᖑᔪᓄᑦ ᓄᓇᕗᒻᒥ, ᐅᕝᕙᓘᓐᓃᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᐅᕝᕙᓘᓐᓃᑦ ᐊᓯᐅᔨᓯᒪᑎᑦᑎᓯᒪᓗᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᐱᔪᓐᓇᕋᔭᙱᓚᑦ ᐱᓕᕆᐊᒃᓴᒧᑦ ᑭᓯᐊᓂ ᑖᒃᑯᐊ ᐊᑭᓕᒃᓴᐃᑦ ᐅᕝᕙᓘᓐᓃᑦ ᐊᓯᐅᔨᓂᐅᔪᑦ ᐊᑭᓕᖅᑕᐅᒃᐸᑕ ᑕᒪᒃᑭᕐᓗᒋᑦ. ᑭᓯᐊᓂ, ᐃᓱᒪᖅᓲᑕᐅᓗᓂ ᐊᖓᔪᖅᑲᐅᕕᖓᑦᑕ ᐊᐅᓚᑦᑎᔨᖏᑕ ᑲᑎᒪᔨᕋᓛᖏᓐᓂᑦ ᑕᒪᓐᓇ ᐱᔭᕆᐊᖃᕐᓂᐅᔪᖅ ᐲᖅᑕᐅᔪᓐᓇᖅᐳᖅ, ᑭᓯᐊᓂ ᑖᓐᓇ ᐱᓕᕆᔾᔪᔾᔭᐅᕙᒃᑐᖅ(ᑦ) ᐊᖏᕈᓂ ᑎᑎᕋᕐᓂᒃᑯᑦ ᐊᑭᓖᓂᐊᕐᓂᖓᓂ ᐊᑭᓕᒃᓴᐅᔪᓂᑦ ᐋᖅᑭᒃᓱᖅᓯᒪᓂᐅᔪᒃᑯᑦ
- ᑐᒃᓯᕋᖅᑐᖅ(ᑦ) ᐊᖏᖅᑕᐅᔭᕆᐊᖃᖅᐳᑦ ᐃᒡᓗᖁᑎᑖᕋᓱᖕᓂᕐᒧᑦ ᑲᓇᑕᒥ ᐃᒡᓗᖁᑎᑖᕋᓱᖕᓂᕐᒧᑦ ᐊᒻᒪᓗ ᐃᒡᓗᓕᕆᔨᒃᑯᑦ ᑎᒥᐅᔪᒥᑦ (CMHC) ᐊᖏᖅᑕᐅᓯᒪᔪᒧᑦ ᐊᑐᖅᑐᐊᖅᑎᑦᑎᔨᒧᑦ. ᐊᖓᔪᖅᑲᐅᕕᖓᑦᑕ ᐊᐅᓚᑦᑎᔨᖏᑕ ᑲᑎᒪᔨᕋᓛᖏᑦ ᐃᒪᐃᑦᑐᓐᓇᖅᐳᑦ, ᐃᓱᒪᖅ)ᕐᓗᑎᒃ, ᐊᖏᖅᓯᓗᑎᒃ ᐊᓯᐊᒍᑦ ᑮᓇᐅᔭᖃᖅᑎᑕᐅᓂᐅᔪᒥᑦ ᐋᖅᑭᒃᓱᖅᑕᐅᓯᒪᔪᒥ ᑐᓂᔭᐅᓚᐅᖅᑎᓪᓗᒋᑦ ᓈᒻᒪᒃᑐᓂ ᐸᐃᑉᐹᖑᓂᐅᔪᓂᑦ ᑐᒃᓯᕋᖅᑐᒧ(ᓄᑦ)
- ᑐᒃᓯᕋᖅᑐᖅ(ᑦ) ᐊᑭᓖᔪᓐᓇᕈᓐᓇᓪᓗᐊᖅᐳᖅ ᓇᖕᒥᓂᖃᕐᓂᕐᒧᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐊᖏᕐᕋᖓᓂ. ᖄᒃᑲᓐᓂᐊᒍᑦ ᑮᓇᐅᔭᒃᑯᕕᖕᒥ ᖃᐅᔨᓴᖅᑕᐅᓂᐅᔪᒥᑦ ᓇᓗᓇᐃᖅᓯᓂᕐᒧᑦ ᐊᑭᓕᒃᓴᖅᑖᕈᑕᐅᔪᓐᓇᖅᑐᒥᑦ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᓂᐊᖅᐳᑦ ᓇᖕᒥᓂᖓᓐᓂ ᐊᑭᓖᔪᓐᓇᕐᓂᖓᓄᑦ ᖃᐅᔨᓴᐃᓂᐅᔪᒥᑦ ᐃᓚᒋᓗᓂᐅᒃ ᐊᖏᖅᑕᐅᓂᕐᒧᑦ ᐱᓕᕆᔾᔪᓯᐅᔪᒥᑦ.