ᐃᓄᑐᖃᕐᓄᑦ ᐊᖏᕐᕋᖓᓄᑦ ᐋᖅᑭᒋᐊᖅᑕᓂᖓᓄᑦ ᐱᓕᕆᐊᒃᓴᖅ

• ᒥᓇᕐᓂᖅ ᑐᑦᓯᕋᐅᑎᒥᑦ ᑕᑕᑎᕆᐊᓕᒻᒥᑦ
• ᒥᓇᕐᓂᖅ ᒪᓕᒐᕐᓂᑦ

ᓇᐃᓈᖅᓯᒪᔪᑦ

ᐃᓄᑐᖃᕐᓄᑦ ᐊᖏᕐᕋᖓᓄᑦ ᐋᖅᑭᒋᐊᖅᑕᐅᓂᖓᓄᑦ ᐱᓕᕆᐊᒃᓴᖅ (SCHRP) ᑐᓂᓯᕗᖅ ᐃᑲᔪᖅᓱᐃᓂᕐᒥᑦ ᐃᓄᑐᖃᕐᓄᑦ ᓄᓇᖃᖅᑎᐅᔪᓄᑦ (60+) ᓄᓇᕗᓕᒫᒥ ᐋᖅᑭᒃᓱᖅᑕᐅᓂᖃᕆᐊᓕᖕᓂ ᐊᒻᒪᓗ/ᐅᕝᕙᓘᓐᓃᑦ ᐋᖅᑭᒋᐊᖅᓯᓗᑎᒃ ᐊᖏᕐᕋᖓᓐᓂ ᓇᓗᓇᐃᖅᓯᓂᕐᒧᑦ ᐊᑦᑕᓇᔾᔭᐃᖅᓯᓂᕐᒧᑦ ᐃᒡᓗᖃᕐᓂᖓᓂ, ᐊᒻᒪᓗ/ᐅᕝᕙᓘᓐᓃᑦ ᐃᑲᔪᖅᓱᐃᓂᕐᒧᑦ ᐊᔪᕈᑎᓕᖕᓂ ᐹᖅᑕᖏᓐᓂ ᖃᐅᑕᒫᒧᑦ ᐃᓅᓂᕐᒧᑦ ᖃᓄᐃᓕᐅᕐᓂᐅᔪᓂᑦ.

ᐃᑲᔪᖅᓱᐃᓂᖅ ᐊᐃᑦᑑᑎᐅᓪᓗᑎᒃ ᐊᖏᓛᖓᓄᑦ ᐊᖏᓂᐅᔪᒥ $15,000-ᒧᑦ, ᐃᓚᖃᖅᖢᓂ ᖃᖓᑦᑕᐅᑎᖓᓄᑦ ᐊᑭᖏᓐᓂ.

ᐱᔪᓐᓇᖅᑎᑕᐅᔪᓄᑦ ᐱᓕᕆᔾᔪᔾᔭᐅᕙᒃᑐᓂᑦ

• ᐊᑕᐅᓯᖅ ᑐᒃᓯᕋᖅᑎᐅᔪᑦ 60-ᓂᑦ ᐊᕐᕌᒍᖃᓪᓗᐊᖅᐳᖅ ᐊᒻᒪᓗ ᓄᓇᖃᖅᓯᒪᓗᓂ ᓄᓇᕗᒻᒥ ᐊᕐᕌᒍᓪᓗᐊᓂ ᒪᕐᕉᖕᓂᑦ.
• ᑕᒪᓐᓇ ᐱᓕᕆᐊᒃᓴᖅ ᒪᓕᖕᓂᖃᖅᐳᖅ ᑮᓇᐅᔾᔭᒃᓴᓂᕐᒧᑦ ᐱᔪᓐᓇᖅᑎᑕᐅᔪᓄᑦ ᑭᒡᓕᐅᔪᓂᑦ ᐋᖅᑭᒃᑕᐅᓯᒪᓂᖓᓄᑦ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒃᓴᒧᑦ ᑮᓇᐅᔾᔭᒃᓴᓂᕐᒥ ᐱᔪᓐᓇᖅᑎᑕᐅᔪᓄᑦ (HPIE) ᓈᓴᐅᑎᓂᑦ.

ᑐᒃᓯᕋᖅᑐᑦ ᐊᑐᖅᑐᐊᕐᓂᕐᒧᑦ ᐅᕝᕙᓘᓐᓃᑦ ᐃᒡᓗᖁᑎᑖᕋᓱᖕᓂᕐᒧᑦ ᐊᑭᓕᒃᓴᓕᖕᓂ ᓇᓕᐊᑐᐃᓐᓇᓂ ᓄᓇᓕᖕᓂ ᐃᒡᓗᓕᕆᔨᒃᑯᓐᓄᑦ ᑲᑐᔾᔨᖃᑎᒌᖑᔪᓄᑦ ᓄᓇᕗᒻᒥ, ᐅᕝᕙᓘᓐᓃᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᐅᕝᕙᓘᓐᓃᑦ ᐊᓯᐅᔨᓯᒪᑎᑦᑎᓯᒪᓗᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᐱᔪᓐᓇᕋᔭᙱᓚᑦ ᐱᓕᕆᐊᒃᓴᒧᑦ ᑭᓯᐊᓂ ᑖᒃᑯᐊ ᐊᑭᓕᒃᓴᐃᑦ ᐅᕝᕙᓘᓐᓃᑦ ᐊᓯᐅᔨᓂᐅᔪᑦ ᐊᑭᓕᖅᑕᐅᒃᐸᑕ ᑕᒪᒃᑭᕐᓗᒋᑦ. ᑭᓯᐊᓂ, ᓇᓗᓇᐃᖅᓯᒪᔪᓂ ᖃᓄᐃᓐᓂᐅᔪᓄᑦ. ᐃᓱᒪᖅᓲᑕᐅᓗᓂ ᐊᕕᒃᑐᖅᓯᒪᓂᐅᔪᓂ ᑐᑭᒧᐊᖅᑎᑦᑎᔨᒧᑦ, ᑕᒪᓐᓇ ᐱᔭᕆᐊᖃᕐᓂᐅᔪᖅ ᐲᖅᑕᐅᔪᓐᓇᖅᐳᖅ, ᑖᒃᑯᐊ ᑐᒃᓯᕋᖅᑐᑦ ᐊᖏᕈᓂ ᑎᑎᕋᕐᓂᒃᑯᑦ ᐊᑭᓖᓂᐊᕐᓂᖓᓂ ᐊᑭᓕᒃᓴᐅᔪᓂᑦ ᐋᖅᑭᒃᓱᖅᓯᒪᓂᐅᔪᒃᑯᑦ.