Nunavut Housing Corporation

ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᖅ

ᐅᕘᓇ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒧᑦ ᐱᓕᕆᐊᒃᓴᒃᑯᑦ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑐᓂᓯᕙᒃᐳᑦ ᐊᑭᒃᖠᒋᐊᖅᓯᒪᔪᒥ ᐊᑐᖅᑐᐊᒐᒃᓴᓂ ᐃᒡᓗᓂᑦ ᐊᑯᓂᐅᓂᖃᖅᑐᓂ ᐊᒻᒪᓗ ᐃᖅᑲᓇᐃᔭᖅᑎᐅᖏᓐᓇᕐᓂᐊᖅᑐᓄᑦ ᐃᖅᑲᓇᐃᔭᖅᑎᓄᑦ ᐃᑲᔪᖅᓱᐃᓂᕐᒧᑦ ᐃᖅᑕᓇᐃᔮᖅᑕᖅᑎᑦᑎᓂᕐᒧᑦ ᐊᒻᒪᓗ ᐱᓯᒪᑦᑏᓐᓇᕐᓂᕐᒧᑦ ᐃᖅᑲᓇᐃᔭᖅᑎᓂ ᐊᒻᒪᓗ ᐊᑐᖅᑎᑦᑎᓂᕐᒧᑦ ᑐᓂᓯᓂᕐᒥᑦ ᐱᓕᕆᐊᒃᓴᓂᑦ ᐊᒻᒪᓗ ᐱᔨᑦᑎᕋᕐᓂᕐᒥᑦ ᓄᓇᕗᒻᒥᐅᓄᑦ.

ᑭᓲᕙ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᖅ?

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑐᓂᓯᕙᒃᐳᑦ ᐱᖁᑎᓕᕆᓂᐅᔪᒥᑦ ᐱᔨᑦᑎᕋᕐᓂᕐᒥᑦ ᓄᓇᕗᒻᒥ ᒐᕙᒪᒃᑯᓐᓄᑦ (GN) ᐊᐅᓚᑕᐅᓂᖓᓂ ᓄᓇᕗᒻᒥ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒧᑦ ᐱᓕᕆᐊᒃᓴᖏᓐᓂ. ᑕᐃᒪᐃᓐᓂᖓᓄᑦ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᐅᓚᑦᑎᕗᑦ ᐃᒡᓗᖃᖅᑎᑦᑎᐊᕐᓂᐅᔪᒥᑦ ᓄᓇᕗᒻᒥ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᖏᓐᓄᑦ ᐊᑐᓕᖅᑎᑦᑎᓪᓗᑎᒃ ᓄᓇᕗᒻᒥ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᖅ ᐊᑐᐊᒐᖓᓐᓂ ᐊᒻᒪᓗ ᑐᑦᑕᕐᕕᐅᓪᓗᑎᒃ ᐃᒡᓗᓄᑦ ᑲᒪᔨᐅᔪᓄᑦ, ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒧᑦ ᐱᓕᕆᔨᐅᔪᓄᑦ ᐊᒻᒪᓗ ᐊᑐᖅᑐᐊᖅᑎᓄᑦ.

ᐊᑐᐃᓐᓇᖃᕐᓂᖅ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒧᑦ ᐱᔭᕆᐊᖃᕐᓂᐅᙱᓚᖅ ᐃᖅᑲᓇᐃᔮᖃᕐᓂᕐᒧᑦ ᐊᒻᒪᓗ ᑐᓂᔭᐅᕙᒃᐳᖅ ᐃᖅᑲᓇᐃᔭᖅᑎᓄᑦ ᐃᑲᔪᕈᑎᒃᓴᐅᓪᓗᓂ, ᒪᓕᒃᑐᒥᑦ ᐊᔭᐅᕆᓂᐅᔪᓄᑦ ᐱᑕᖃᕐᓂᖓᓄᑦ ᐊᒻᒪᓗ ᐱᔪᒪᔭᐅᓂᐅᔪᓄᑦ.

ᖃᓄᖅ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᖅ ᐱᓕᕆᐊᖑᕙᒃᐸ?

ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᖅ ᐊᐅᓚᑕᐅᕗᑦ ᖃᔅᓯᒐᓚᖕᓂ ᑭᒡᓕᐅᔪᓄᑦ ᐊᒻᒪᓗ ᐃᓚᖃᖅᐳᖅ ᐅᑯᓂᖓ ᐱᒻᒪᕆᐅᔪᓂ ᐱᓕᕆᔨᐅᔪᓄᑦ:

  • ᐃᒡᓗᑖᖅᑎᑦᑎᓂᕐᒧᑦ ᑲᑎᒪᔨᕋᓛᑦ
  • ᐱᖁᑎᓕᕆᔨᒃᑯᑦ ᑲᑎᙵᔪᑦ

ᐃᒡᓗᑖᖅᑎᑦᑎᓂᕐᒧᑦ ᑲᑎᒪᔨᕋᓛᑦ

ᑖᒃᑯᐊ ᑲᑎᒪᔨᕋᓛᖑᔪᑦ ᑲᒪᒋᔭᖃᖅᐳᑦ ᑐᓂᓯᓂᕐᒥᑦ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒧᑦ ᐃᒡᓗᓂᑦ ᒪᓕᒃᖢᑎᒃ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒧᑦ ᐊᑐᐊᒐᖓᓐᓂᑦ. ᐱᓇᓱᐊᕈᓯᑕᒫᑦ ᑲᑎᑉᐸᒃᐳᑦ ᑐᓂᓯᓂᕐᒧᑦ ᐃᓄᖃᙱᑦᑐᓂ ᐃᒡᓗᓂᑦ ᒪᓕᒃᖢᑎᒃ ᓯᕗᓪᓕᐅᔾᔭᐅᔭᕆᐊᓕᖕᓂ ᑎᑎᕋᖅᓯᒪᔪᓄᑦ, ᐊᒻᒪᓗ ᑭᒡᒐᖅᑐᐃᔨᖃᖅᐳᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᑦ ᐊᒻᒪᓗ ᐊᔾᔨᒌᙱᑦᑐᓂ ᐊᓯᖏᓐᓂ ᒐᕙᒪᒃᑯᑦ ᐱᓕᕆᕝᕕᐅᔪᓂᑦ.

ᐱᖁᑎᓕᕆᔨᒃᑯᑦ ᑲᑎᙵᔪᑦ

ᑖᒃᑯᐊ ᑲᑎᙵᔪᐃᑦ ᓴᓇᓯᒪᕗᑦ ᐱᖁᑎᓕᕆᔨᒧᑦ ᐊᒻᒪᓗ ᑐᔪᕐᒥᕕᒃᓴᓄᑦ ᑎᑎᕋᖅᑎᒧᑦ ᐊᑐᓂ ᐊᕕᒃᑐᖅᓯᒪᓂᐅᔪᓂ. ᑲᒪᒋᔭᖃᖅᐳᑦ ᑐᑦᑕᕐᕕᐅᓪᓗᑎᒃ ᐅᑯᓇᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᑦ ᐊᒻᒪᓗ ᓄᓇᓕᖕᓂ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒧᑦ ᐱᓕᕆᔨᐅᔪᒥᑦ, ᖃᐅᔨᓴᐃᕙᓪᓕᐊᓪᓗᑎᒃ ᐃᓄᖃᙱᑦᑐᓂ ᐊᒻᒪᓗ ᐃᒡᓘᑉ ᖃᓄᐃᓐᓂᖓᓂ, ᐊᒻᒪᓗ ᐃᑲᔪᖅᓱᐃᓂᕐᒥᑦ ᐃᒡᓗᑖᖅᑎᑦᑎᓂᕐᒧᑦ ᑲᑎᒪᔨᕋᓛᒃᑯᓐᓂ ᓇᓚᐅᓯᒪᑦᑎᐊᖅᑐᓂ ᐃᓄᖃᙱᓐᓂᐅᔪᓂ ᓇᐃᓴᖅᓯᒪᔪᓂᑦ.

ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒧᑦ ᐱᓕᕆᔨ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒧᑦ ᓄᓇᓕᖕᓂ ᐱᓕᕆᖃᑎᒋᕙᐅᒃ ᐊᒻᒪᓗ ᐱᓕᕆᕙᒃᖢᓂ ᓄᓇᓕᖕᓂ ᐱᖁᑎᓕᕆᔨᐅᓂᖓᓂ ᑭᒡᒐᖅᑐᐃᓪᓗᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᑦ, ᐊᒻᒪᓗᑦᑕᐅᖅ ᑲᒪᒋᔭᖃᕆᓪᓗᓂ ᑲᔪᓯᑎᑦᑎᐊᕐᓂᐅᔪᒥᑦ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒧᑦ ᐃᒡᓗᖁᑎᖏᓐᓂᑦ, “ᐃᓯᕐᓂᕐᓄᑦ ᐊᒻᒪᓗ ᐊᓂᓂᐅᔪᓂᑦ”, ᐊᒻᒪᓗ ᐅᓂᒃᑳᕆᓂᕐᒥᑦ ᐃᒡᓗᖃᖅᑎᐅᑉ ᓱᕋᐃᓂᖁᖏᓐᓂᑦ.

ᑕᒪᕐᒥᒃ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒧᑦ ᐃᒡᓗᖃᖅᑎᐅᔪᑦ ᐊᑭᓖᔭᕆᐊᖃᖅᐳᑦ ᐊᑐᖅᑐᐊᕐᓂᕐᒧᑦ ᐊᑭᖏᓐᓂ, ᑕᐅᑐᖕᓇᓂ ᑮᓇᐅᔾᔭᒃᓴᓂᖏᓐᓂ. ᑕᖅᑭᑕᒫᑦ ᐊᑐᖅᑐᐊᕐᓂᕐᒧᑦ ᐊᖏᓂᖏᑦ ᐋᖅᑭᒃᓱᖅᑕᐅᕙᒃᐳᑦ ᐊᑐᖅᖢᑎᒃ ᑮᓇᐅᔭᖃᕈᑕᐅᓲᒥᒃ ᑐᙵᕕᓕᖕᒥᑦ ᐊᖏᓂᖓᓄᑦ ᐊᑐᖅᑐᐊᒐᒃᓴᐅᔪᒥ ᐃᓂᒋᔭᖓᓂ ᐃᒡᓘᔪᒧᑦ ᐊᕕᒃᑐᖅᓯᒪᓪᓗᓂ ᑐᙵᓂᐅᔪᒥ ᐊᑐᖅᑐᐊᕐᓂᕐᒧᑦ ᐊᑭᖓᓂ.

ᐋᖅᑭᒋᐊᕈᑕᐅᔪᑦ ᐊᑐᖅᑐᐊᕐᓂᕐᒧᑦ ᓇᐃᓴᐅᓯᕆᔭᐅᕗᑦ ᐃᓚᒃᑲᓐᓂᖓᓄᑦ ᐃᒡᓗᖃᕐᓂᕐᒧᑦ ᐊᑭᖓᓂ ᐃᓚᖃᖅᑐᒥ: ᐃᒡᓗᒥᐅᑕᓄᑦ, ᐅᖅᑰᓴᐅᒻᒥᑦ, ᐃᒪᕐᒧᑦ, ᑯᕕᖅᑕᖅᑕᐅᓂᖓᓄᑦ, ᐊᒻᒪᓗ ᐊᒃᑕᖅᑕᐅᓂᖓᓄᑦ. ᐆᒻᒪᖅᑯᑎᑦ ᐊᒻᒪᓗ ᐅᖃᓘᑎᒧᑦ ᐱᔨᑦᑎᕋᕐᓃᑦ ᓇᖕᒥᓂᖅ ᑲᒪᒋᔭᒃᓴᕆᒐᔪᒃᐸᖓᑦ ᐃᒡᓗᖃᖅᑎᒧᑦ, ᐊᒻᒪᓗ ᐃᒡᓗᖃᖅᑎᐅᔪᑦ ᑲᒪᒋᔭᖃᕆᕗᑦ ᐊᑭᓖᓂᕐᒧᑦ ᐃᒻᒥᖕᓂᑦ ᐱᔨᑦᑎᕋᕐᓂᕐᒧᑦ ᑐᓂᓯᔨᐅᔪᓄᑦ ᑕᒪᒃᑭᓄᑦ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᑭᖏᓐᓂ ᐊᑭᓕᖅᑕᐅᙱᑦᑐᓂ ᐊᑐᖅᑐᐊᕐᓂᖏᓐᓄᑦ/ᐃᒡᓗᖃᖅᑎᓄᑦ ᐊᖏᕈᑕᐅᔪᒧᑦ.

ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᖅ ᐊᑐᖅᑐᐊᕐᓂᖅ ᐱᔭᐅᕙᒃᐳᑦ ᑮᓇᐅᔭᓕᐅᕐᓂᖓᓄᑦ ᐲᔭᐃᕝᕕᐅᓂᒃᑯᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐱᓇᓱᐊᕈᓰᑦ ᒪᕐᕉᒃ ᑐᙵᓂᓕᖕᒥᑦ, ᑭᓯᐊᓂ ᓇᓴᐃᓯᕆᔭᐅᕙᒃᐳᑦ ᐱᓂᕐᒧᑦ ᑕᖅᑭᑕᒫᒥ ᐊᑭᖓᓂᑐᐊᖅ. ᓴᐳᔾᔨᓯᒪᓂᕐᒧᑦ ᐃᒡᓗᒧᑦ ᐊᑭᑐᓗᐊᖅᑕᐃᓕᒪᓂᕐᒧᑦ ᐃᖅᑲᓇᐃᔭᖅᑎᖏᓐᓄᑦ, ᓄᓇᕗᒻᒥ ᒐᕙᒪᒃᑯᑦ ᓇᓗᓇᐃᖅᓯᓇᔭᒻᐳᖅ 30% ᐅᖓᑖᓅᙱᑦᑐᖅ ᑮᓇᐅᔾᔭᒃᓴᓂᖏᓐᓂ ᐅᕗᖓ ᐊᑐᖅᑐᐊᕐᓂᒃᑯᑦ ᐊᑭᖓᓂ ᐅᕘᓇ ᐊᑐᖅᑐᐊᕐᓂᒃᑯᑦ ᐃᑲᔪᖅᓱᐃᓂᕐᒧᑦ ᐱᓕᕆᐊᒃᓴᒧᑦ.