Iqaluit, Nunavut (Imaruqtirvia 16, 2025)– Talvanga Imaruqtirvia 9-mit 12-mut, Nunavunmi Igluliqiyiirjuat (NHC) katimapkaijut 2025-mi Nunavunmi Igluliqiijitkunnit Iqalungni, katimapkaiplutik avatqumajunik 300-nik hivuliqtinik havagviujunit, Inuit timiqutainik, tamangniklu kavamanit. Hitamani ubluni hulipkaidjutikhamik ihuaqhaijut nutaamik kajumiktumik havaqatigiiklutik qanuriliurutikhanik Igluliuqatigiingniq, ilihimajaujurlu Nunavunmi 3000 qanuriliurutikhat nappaqtiriami 3,000 nutaanik iglukhanik 2030-mi, piniaqhimadjuti piliuqtauhimajuq 6-mi Maligaliurvingmi ataani Katujjiluta Pitqujaujut.

Ilaujut qiniqtut aalatqiinik igluukhanik uqautaujunik pijutiqaqtunik ukiuqtaqtumi manikhaqhiurutinik, ilihaijinik, pitquhiqnik, nunagijaujumilu hivuliqhuqtinik. Uqarijauvikhat ilaujut uqautainnik niuvirnikkut nunamiklu pivalliadjutikhainnik, aanniaqtailinikkut aktungnakniit igluqhailliurnikkut, maniliqinikkut, uuktuqvikhaniklu maniliuriami Nunavunmiut nunallaami talvuuna nunallaami ajuiqharnikkut. Katimaqjuarutit tigumidjutiqaqtut attautimun naunaijariangani ihuaqtut qanuq aktilaarlugit iglukhat tamaini aviktuqhimajumi. Atadjutit havaktaujut uvalu ihumagijaujut himauhiqtaujut havainingmi ikajuutauniaqtut hivitujumik-kikliqaqtut nakuunikkut Nunavunmi 3000.

Nutaaq Igluliqijitkut Havaqatigiiktut Tuhaqtitaujukhaq

Tamna katimajuarut ilauqaqtuq atiqtuijukharnik malrungnik napaqtirutikharnik kaantulaangit tautuktitivakhimajut qanuq nunalaani, nanminiqaqtunik Inuitlu hivulliqtiuvakhimajut havakviingit aulajut ihuaqhaidjutikharnik igluiliurnikkut atuqtakharnik Nunavunmi.

Aippiutmi, Nunavunmi Igluliqijiirjuatkut sainiqhihimajut agiqatiriigunmik Birchcliff Pivalianiganik Limited-mik, tamat ajuiqhajutinik qanurinikhaanik hanajauniganiklu havakviujuq ihumagijaqaqtuq ukiuqtaqtumi igluliqinikut. Havaqatigiit ikajuutauniaqtut havaqatigiingnirmun Inuit-pihimajut iglutigut ihuaqhaidjutit tapkua pidjutiqaqtut

nunamingni ihariagijainun, ukpigijait uvalu aktilaangitigut. Pingattiunmi, Nunavumi Igluliqijiirjuatkut tuhaqtitijut havaqatigiplugit ukuat Arctic Fresh Projects, Nunavunmi-ittunik inuuhiringnaqtumik havagviujunik, amigaigjuumidjutikhanik nunamingni-hivuliqhuqtut iglukhainnik Qikiqtani avikturnianni, ilaupkaiplutik ikajuqtikhanik uuktuutikhainnik pidjutiqaqtunik nunamingni havaakhanik.

"Ukua agiqatiriigut nalunairutaujuq nunagijaujumi hanajauhimajunik, atuqhimaginariagani igluukhat hivuliqhuqtaulaaqtut pipkagaulutiklu nanminik nunagijaujuni," uqaqtuq Lorne Kusugak-mi, Minista havaaqaqtuq Nunavumi Igluliqijinik Kuapariisiujumi. "Takuvaktugut qaritaujakuurut havaqatigiiktut angiglivalliahimmaaktut, tamarmik uqautigiplugit aadjikutainnik akhuurutikhanik ihuaqhautikhanik Nunavutim iglukhailiurutikhanut. Qujagijumajatka Iningnikhat, inulramiit, ajuittiaqhimajut, hivuliqtillu kitut ilaujut uvani ukiumi Katimaqjuarutaani. Aittuutingit ikajuutauniaqtuq ihuaqhigiami hivuniqmi iglukhamut tamainni Nunavunmi."

Qilamik Kangiqhidjutit:

•Nunavunmi Igluliqinirmun Katimaqjuarutait katimapkaijut avatqumajumik 25nik katimajiit, katimadjutilluat, atuniituni katimadjutit uvalu havauhiit tautuktitijut ukiuqtaqtumi nutaanik uvalu qanuriniit.

•Malruuk nappaqtirnikkut kaantraangit sainiqtaujuk ukuat Birchcliff Development unalu Arctic Fresh Projects hivumuuqtirnikkut nunallaani-hivulliuqtauhimajuni iglukhani.

•Nunavut 3000 munarijauvaktuq tikiutijaami hivunikhait 1,000 iglukhat hivumuuliqtut Tattiarnaqtuq 2025 mi, iliuraqtauhimajuq 6mi Maligaliurvianni Nunavunmi, ilitarijait iglukhat qulliujukhaq hivulliutijaujuq ataani Katujjiluta Pitqujaujut.

•Havagvia Atanilluaq Igluqpaitigut Havaktip (OCBO) uniudjutit 855 iglunik ublumimun (347 iniqtaujut, 508 igluqpinikkut uvalu idjuhikhaa).

•Itqurniaqhimajuq 200 aallat iglukhat niriuktaujut hanalihaaliqtukhat nunguliqqat 2025.

•5 napaalu ukiut avaliiqtut iniqtiriangani Nunavunmi 3000 hanaqidjutit.