Iqaluit, Nunavut (Qiqaijaluarvia 26, 2025) – Nunavunmi Igluliqijiirjuatkut (NHC) tutqikhaijut inmi akhuurutitik ihuaqhijuumirnirmun iglutigut kivgaqtuutit uvalu amigaiqjuumiqhutik piinarialgit iglukhat Nunavunmiunun malikhugit qanganuaq havauhikkut naunaijautit.

Havagvia Maniliqiiqjuap Kanadami (OAG) havaktait havauhikkut naunaijautit uvani 2024mi naunaijariangini qanuqtut NHCkut munarijait iglutigut kivgaqtuutit ukualu iglutigut naunaijautit qitqani Qitiqqautiyuq 2022 unalu Ubluiqtirvia 2024.

Uniudjutit havaktait qulit 10 pitquidjutit hapkununga NHCkunun hivumuunirmun. NHCkut kiudjutigijait paqitaujut uvalu pitquidjutit uniudjutini imaa tukhiqhutik hapkuninga hulidjutinik:

• Ihivriuqlugit naunaitkutit aktilaanginun auladjutit hivuliujaangini inuit iglukhait nuutirurit uvalu ihuaqhijuumiqlugit auladjutit ukualu niuvaadjutit naunaijainirmun inuit iglukhatigut uuktuutit.

• Amigaiqjuumiqlugit ikajuutit uvalu kangiqhidjutit Nunamingni Iglutigut Katimajiit (LHO) nuutirijut inuit iglukhainik pijaangini ihuaqtut kavamatkut maligainun, maliruagahanun, havahirnunlu munaridjutinunlu angirutit qitqani atautit LHO ukualu NHC.

• Havaklugit maligahat hapkununga LHOkunun aturiangini nuutirnirmun apiqhuutit atuqtaujunin iglunik atuqtut nutaanun iglunik atuqtut uuktuutit ihuaqhijuumiriangani aadjikiingnikkut nuutirutait iglunik.

• Atuliqtitlugit atuqtauraanginnaqtukhanik pidjutimik katitiriami, munarinikkut naunaijarnikkullu utaqqinikkut ilitturipkaidjutinik tamainni nunallaani pipkainikkut aajjikkiiktipkainikkut inungnun igluqpani tuniurhainikkut ilitturipkainikkullu inungnun igluqpakhanik pivallialiurnirnik.

• Piluni ihariagijaminik ihivriuqniq Inirniriinik inungniklu tumarlukhimajut ajurhautilgit, unalu ittut iglunik atuqtut, utaqqijut uuktuqtut nutaallu uuktuqtut, ilitarilugit tamaita iglukhangit piinarialaqihimajut qanurittaakhaanik, ihuarhilugu havaanga tamainnut naunaijariami hapkuat iglukhat ihuarhigiamilu ulapiqutingit piinarialaqihimajuq unalu ajurhautigijaujuq inungnut iglukhamik tuniqhainiq.

• Ihuaqhijuumiqlugit munagidjutit uvalu naunaijautit inuit igluinun piqutit nakuutqiamik kangiqhidjutinik munagidjutinik, ilaujut katitiqhugit uvalu ilaliutihimajut iglutigut naunaijautit, naunaijaqhugit qanuginiit aktilaangit, pijaaqnikkut, ihuaqhainikkut hulidjutit, akiliqtuinikkut naunaijautit uvalu nanminiqtigut akiit.

Aulahimaaqtumik havaqatigilugit LHOtkut pijaangini inmi pijakhatik ataani inmi atangujatik angirutit, ilaujut tujuqhugit ukiuq tamaat upalungaijautit uvalu iliharnikkut qanuriniit uniudjutit.

Hapkua tughiqtauyut hulidjutit iniqtauniaqtut hapkunanga NHCkunin uvalu ilauniaqtut haffumunga ilitarijauhimajunun Hulidjutikhatigut Upalungaiyautit tapkua piinagialaqiniaqtut ukiaghami 2025 uvani NHCkut qaritauyaliqiviani.