Igluliuqatigiingniq
Nunavut 3000
ᓄᓇᕗᑦ 3000 ᓴᖅᑭᑎᑦᑎᓂᐊᖅᐳᑦ ᐅᓄᕐᓂᖅᓴᐅᔪᓂ ᐃᒡᓗᒃᓴᓂ ᓄᓇᕗᒻᒥᐅᓄᑦ ᐱᕙᓪᓕᐊᑎᑦᑎᓂᒃᑯᑦ ᐱᓕᕆᖃᑎᒌᖕᓂᐅᔪᓂ ᐊᒻᒪ ᑲᑎᖅᓱᖅᑕᐅᕙᓪᓕᐊᔪᓄᑦ ᑮᓇᐅᔭᓂᑦ ᑐᖅᑯᖅᑕᐅᓯᒪᓪᓗᑎᒃ ᐃᓱᒪᑐᓂᕐᒥ ᓇᑉᐸᖅᑎᕆᓂᕐᒥ ᐱᓕᕆᔾᔪᓯᐅᔪᓂ ᐊᖏᒡᓕᒋᐊᖅᓯᔪᒥ ᐊᑑᑎᖃᑦᑎᐊᕐᓂᖓᓂ ᐊᒻᒪ ᒥᒃᖠᒋᐊᖅᑎᑦᑎᔪᒥ ᐊᑭᖏᓐᓂ.
ᐱᓕᕆᖃᑎᖃᕐᓂᕐᒥ ᓄᓇᓕᖕᓂᑦ, ᐃᓄᖕᓄᑦ ᑲᑐᔾᔨᖃᑎᒌᖑᔪᓄᑦ, ᐃᒡᓗᓕᕆᓂᕐᒧᑦ ᐱᓕᕆᕝᕕᐅᔪᒥ ᓇᖕᒥᓂᖃᖃᑕᐅᔪᑦ, ᐊᒻᒪᓗ ᑕᒪᒃᑭᑦ ᓄᓇᕗᒻᒥᐅᓄᑦ, ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᖓ ᑐᕌᖓᓂᖃᖅᐳᖅ ᐅᔾᔨᕆᓂᕐᒥ ᑕᐅᑐᕐᕉᒐᕐᒥ ᓄᓇᕗᑦ 3000−ᒥ ᓴᓇᓂᕐᒧᑦ ᖃᓄᐃᙱᑦᑎᐊᖅᑐᓂ ᓄᓇᓕᖕᓂᑦ, ᐃᑲᔪᖅᓱᐃᓂᕐᒥ ᐱᓕᒻᒪᒃᓴᕐᓂᕐᒥ ᐊᒻᒪ ᓄᓇᓕᖕᓂ ᐱᕙᓪᓕᐊᑎᑦᑎᓂᕐᒥ, ᐊᒻᒪᓗ ᐊᖏᒡᓕᒋᐊᖅᑎᑦᑎᓗᓂ ᐃᓘᓐᓇᓕᒫᖓᓂ ᐃᒡᓗᑖᕐᕕᐅᔪᓐᓇᖅᑐᓄᑦ ᓄᓇᕗᒻᒥ.
