ᐃᒡᓗᒥᑦ ᓇᖕᒥᓂᖃᕐᓂᖅ

ᐃᒡᓗᒥᒃ ᓇᖕᒥᓂᖃᖅᑎᓄᑦ ᐃᑲᔪᖅᑐᐃᓂᖅ − ᐱᓕᕆᐊᒃᓴᑦᑎᐊᕙᑦ

ᐃᒡᓗᒥᒃ ᓇᖕᒥᓂᖃᖅᑎᑦ ᐃᑲᔪᖅᑐᐃᔾᔪᑎᓪᓗ ᐊᑐᕐᓗᒋᑦ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᑲᔪᖃᑦᑕᖅᐳᑦ ᓄᓇᓕᖕᒥᐅᓂᒃ ᐊᑭᓕᖅᓱᐃᔪᓐᓇᖅᑐᓂᒃ ᓇᖕᒥᓂᕐᒥᓂᒃ ᑲᒪᒋᑦᑎᐊᖁᓪᓗᒍ ᐋᖅᑭᐅᒪᑎᓪᓗᒍᓗ ᐃᒡᓗᖁᑎᖓ. ᐊᒻᒪᓗᑦᑕᐅᖅ, ᐃᒡᓗᒥᑦ ᓇᖕᒥᓂᖃᕐᓂᕐᒧᑦ ᐃᓕᓐᓂᐊᖅᑎᑕᐅᓗᑎᑦ ᐅᖃᐅᔾᔪᖅᑕᐅᕙᒡᓗᑎᒡᓗ ᐃᒡᓗᒥᑦ ᓇᖕᒥᓂᖃᖅᑏᑦ. ᑖᒃᑯᐊ ᐱᔨᑦᑎᐅᑎᑦ ᐱᖃᓯᐅᔾᔨᕗᑦ ᐅᖃᖃᑎᒋᔭᐅᔪᓐᓇᕐᓗᑎᒃ ᐊᖏᕐᕋᕆᔭᐅᔪᓂ ᓄᑖᓂᒡᓘᓐᓃᑦ ᐊᖏᕐᕋᒃᓴᖏᑦ ᓂᐅᕕᕐᓂᐊᖅᑐᑦ ᓴᓇᔭᐅᑎᓪᓗᒍ, ᓄᑖᙳᕆᐊᖅᑕᐅᑎᓪᓗᒍ, ᑮᓇᐅᔭᒃᑯᕕᖏᑦ ᐊᒻᒪ ᐆᒻᒪᖅᑯᑎᒥᑦ ᐱᐅᖅᓱᐊᓂᕐᒧᑦ.

NHAP

ᓄᓇᕗᒻᒥ ᓇᖕᒥᓂᖃᕐᓂᕐᒧᑦ ᐃᑲᔪᖅᑕᐅᔾᔪᑎ

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᓴᖅᑭᑦᑎᒃᑲᓐᓂᖅᐳᑦ ᐃᒡᓗᒥᒃ ᓇᖕᒥᓂᖃᕐᓂᕐᒧᑦ ᐱᓕᕆᐊᒥᒃ ᓄᓇᓕᖕᒥᐅᓄᑦ ᐊᑭᓕᖅᓱᐃᔪᓐᓇᖅᑐᓄᑦ ᓇᖕᒥᓂᖅᑖᕐᓂᕐᒧᑦ ᑲᔪᓯᑎᑦᑎᔪᓐᓇᕐᓗᓂᓗ ᐃᒡᓗᒥᓂᒃ ᓄᓇᕗᒻᒥ. ᑮᓇᐅᔭᑦ ᐃᑲᔫᑎ ᐊᑐᐃᓐᓇᐅᑎᑕᐅᕗᖅ ᐃᒡᓗᒃᓴᑦ ᑲᑎᖅᓱᖅᓯᒪᔪᑦ ᐊᑭᖓᓄᑦ, ᐃᓕᓐᓂᐊᖅᑎᑕᐅᔪᓐᓇᕐᓗᓂᓗ ᐊᒻᒪ ᐅᖃᐅᔾᔪᖅᑕᐅᔪᓐᓇᕐᓗᑎᒃ ᐃᑲᔪᖅᑕᐅᖁᓪᓗᒋᑦ ᐱᔨᑦᑎᕋᖅᑕᐅᔪᑦ ᑮᓇᐅᔭᑎᒍᑦ ᐊᒻᒪ ᐃᒡᓗᓕᐅᖅᑎᓪᓗᒋᑦ ᓇᖕᒥᓂᖅ ᐃᒡᓗᒃᓴᒥᓂᒃ. ᐱᔨᑦᑎᕋᖅᑕᐅᔪᑦ ᓴᖅᑭᑎᑦᑎᓗᑎᒃ ᐸᕐᓇᐅᑎᒥᒃ ᐃᒡᓗᕐᔪᐊᒧᑦ ᓇᓗᓇᐃᖅᓯᓗᑎᒃ ᐃᓗᓕᖏᓐᓂᒃ ᐃᒡᓗᓕᐅᖅᑕᒥᓄᑦ ᓇᖕᒥᓂᖅ ᐱᓕᕆᔭᖏᓐᓂ, ᐃᑲᔪᖅᑕᐅᓗᑎᒃ ᐃᓚᖏᓐᓂ ᐱᖃᓐᓇᕆᔭᖏᓐᓂᒡᓗ.

ᓄᑖᖅ ᓄᓇᕗᒻᒥ ᓇᖕᒥᓂᖃᖅᑎᓄᑦ ᐃᑲᔫᑎ $250,000−ᓂᒃ ᐊᑐᐃᓐᓇᐅᑎᑦᑎᔪᓐᓇᖅᐳᑦ ᐃᓱᒪᒋᔭᐅᔪᓐᓃᒐᒃᓴᐅᓪᓗᓂ ᐊᑐᖅᑐᐊᕐᓂᕐᒥᒃ ᐅᑭᐅᑦ ᖁᓕᑦ ᐅᖓᑖᓄᑦ ᓂᐅᕕᕐᓂᐊᕐᓗᓂ ᐱᖁᑎᓂᒃ ᑲᑎᖅᓱᖅᓯᒪᔪᓂᒃ. ᐃᑲᔫᑎᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᑦ ᐃᓚᖃᑐᐃᓐᓇᕆᐊᓕᒃ ᐱᓕᕆᐊᒃᓴᓂᒃ ᐊᐅᓚᑦᑎᓂᕐᒥᒃ, ᑲᒪᔨᐅᓂᕐᒥᒃ, ᑮᓇᐅᔭᓕᕆᓂᕐᒧᑦ ᐅᖃᐅᔾᔪᐃᔨᒥᒃ, ᐊᒻᒪ ᐃᓕᓐᓂᐊᕐᓂᕐᒥᒃ ᐱᓕᒻᒪᒃᓴᕐᓂᕐᒥᒡᓗ. ᓄᓇᖃᕆᐊᖃᕋᔭᖅᑐᖅ ᐱᓕᕆᐊᒧᑦ ᐊᕐᕌᒍᒥ ᐊᑕᐅᓯᕐᒥᑦ (1).

ᐱᓇᓱᐊᕈᑏᑦ 2026-ᒥ ᐱᓕᕆᐊᑦᓴᕐᓄᑦ ᐊᕐᕌᒍᒧᑦ ᒪᑐᐃᖓᓂᐊᖅᑐᖅ ᓅᕙᐃᒻᕙ 30, 2026−ᖑᕋᓱᖕᓂᖓᓂ

NHC NHAP Guide IK

NHC NHAP Guide_IK.pdf

2025 NHAP Application INUK

2025 NHAP Application - INUK.pdf

NDAP

ᓄᓇᕗᒻᒥ ᐊᑭᓖᕙᓪᓕᐊᓂᕐᒧᑦ ᐃᑲᔪᖅᑕᐅᔾᔪᑎᑦ

ᓄᓇᕗᒻᒥ ᐊᑭᓖᕙᒌᕐᓂᕐᒧᑦ ᐃᑲᔪᖅᑕᐅᔾᔪᑎᑦ ᐊᑐᐃᓐᓇᐅᑎᑦᑎᓲᑦ ᐱᔪᓐᓇᖅᑎᑕᐅᔪᓂᒃ ᓄᓇᕗᒻᒥᐅᓂᒃ $80,000−ᒧᑦ ᑎᑭᓪᓗᒍ ᐊᑭᓖᕙᒌᕐᓂᕐᒧᑦ ᐃᑲᔫᑎᒥᒃ, ᑲᑎᖦᖢᒋᑦ ᖃᔅᓯᐅᓂᕆᔭᖓ ᐊᓂᒍᐃᓪᓗᓂ ᑮᓇᐅᔭᓕᐊᕆᔭᖓ ᒪᓕᒃᖢᒍ. ᓄᓇᖃᕆᐊᖃᕋᔭᖅᑐᑦ ᓄᓇᕗᒻᒥ ᐊᑭᓖᕙᒌᕐᓂᕐᒧᑦ ᐃᑲᔫᑎᒧᑦ ᒫᓐᓇ ᐊᑕᐅᓯᕐᒥᒃ (1) ᐊᕐᕌᒍᒥ.

ᑭᖑᓂᑦᑎᓐᓂ ᑭᓪᓕᖃᖅᑎᑕᐅᓚᐅᖅᑐᖅ $30,000, ᐊᑭᑦᑐᕆᐊᕐᓂᖓ ᑮᓇᐅᔭᑎᒍᑦ ᐃᑲᔫᑎᑦ $80,000-ᒧᑦ ᑎᑭᖦᖢᒍ ᑐᕌᒐᖃᖅᑐᖅ ᓄᓇᕗᒥᐅᑦ ᐃᑲᔪᖅᑕᐅᑦᑎᐊᒃᑲᓐᓂᖁᓪᓗᒋᑦ ᓇᖕᒥᓂᖅ ᐃᒡᓗᑖᕈᒪᔪᑦ, ᐃᓚᒋᔭᐅᓪᓗᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᒋᐊᖅᑎᑦᑎᒃᑲᓐᓂᕐᓗᑎᒃ ᐃᒡᓗᒥ ᓇᖕᒥᓂᖃᕐᓂᕐᒧᑦ ᐱᓕᕆᐊᓂᑦ.

NHC NDAP Guide IK

NHC NDAP Guide_IK.pdf

HRP

ᐃᒡᓗᒥᒃ ᓄᑖᙳᕆᐊᖅᑎᑦᑎᓂᕐᒧᑦ ᐱᓕᕆᐊᒃᓴᑦ

ᐃᒡᓗᒥᑦ ᓄᑖᙳᕆᐊᖅᑎᑦᑎᓂᕐᒧᑦ ᐱᓕᕆᐊᒃᓴᑦ ᐃᑲᔫᑕᐅᓇᓱᒃᑐᑦ ᓄᓇᕗᒻᒥᐅᓄᑦ ᓇᖕᒥᓂᖅ ᐃᒡᓗᖃᖅᑐᓂᑦ ᐃᓂᒋᓪᓗᓂᐅᒡᓗᐃᒡᓗᓂ ᓱᕋᒃᓯᒪᔪᑦ ᐋᖅᑭᒃᓱᕆᐊᖃᓪᓚᕆᒡᓗᑎᒃ/ᓄᑖᙳᕆᐊᖅᑕᐅᔭᕆᐊᖃᕐᓗᑎᒃ.

ᐃᒡᓗᒥᒃ ᓄᑖᙳᕆᐊᖅᑎᑦᑎᓂᖅ ᒪᕐᕉᖕᓂᒃ ᐊᑐᕈᓐᓇᖅᐴᒃ:

• ᐊᑕᐅᓯᐊᖅ ᐃᓱᒪᒋᔭᐅᔪᓐᓃᕈᓐᓇᖅᑐᖅ ᐊᑐᖅᑐᐊᕈᑎᑦ ᐃᓱᖃᖅᖢᓂ $100,000, ᐅᓄᖅᓯᒋᐊᖅᓯᒪᔪᖅ ᑭᖑᓪᓕᕐᒥ ᑭᒡᓕᒋᔭᐅᓚᐅᖅᑐᒧᑦ ᐊᑭᖃᖅᑎᒋᔪᒧᑦ $65,000, ᐃᓱᒪᒋᔪᓐᓇᐃᒐᒃᓴᐅᓪᓗᓂ ᐅᑭᐅᑦ ᖁᓕᑦ ᐊᓂᒍᓚᐅᖅᑎᓪᓗᒋᑦ. • ᐃᒡᓗᒥᒃ ᓇᖕᒥᓂᖃᖅᑏᑦ ᓴᓇᔭᐅᒃᑲᓐᓂᖁᔨᔪᑦ/ᓄᑖᙳᕆᐊᖅᑕᐅᖁᔨᔪᑦ ᐱᐊᓂᒃᓯᔪᒪᔪᑦ ᐃᑲᔪᖅᑕᐅᙱᓪᓗᑎᒃ, ᐊᐃᑦᑑᓯᐊᕐᓗᑎᒃ 50% ᐊᔪᙱᑦᑐᓄᑦ ᐊᑭᖏᓐᓄᑦ, ᑭᒡᓕᖃᕐᓗᒍ $20,000-ᒥ.

ᐃᒡᓗᒥᒃ ᓄᑖᙳᖅᑎᕆᓂᖅ ᐊᑕᐅᓰᓐᓇᒃᑰᖅᑎᑕᐅᕙᒃᐳᖅ ᑐᐊᕕᕐᓇᖅᑐᖅᑕᖃᓕᖅᑎᓪᓗᒍ ᐋᖅᑭᒃᓱᐃᓂᕐᒧᑦ ᐱᓕᕆᐊᖑᔪᒧᑦ.

ᓴᓇᔭᐅᒃᑲᓐᓂᖅᓯᒪᔪᑦ ᐃᓚᓕᐅᔾᔭᐅᓵᓚᐅᖅᑐᑦ ᐅᖅᓱᖃᐅᑎᖃᕐᕖᑦ ᐊᓯᔾᔨᖅᑕᐅᔾᔪᑎᓄᑦ ᐱᓕᕆᐊᑦ ᐃᓱᒪᒋᔭᐅᖃᑦᑕᓕᖅᑐᑦ ᐃᒡᓗᒧᑦ ᓄᑖᙳᕆᐊᖅᑕᐅᒋᐊᓕᖕᓄᑦ.

NHC HRP Guide IK

NHC HRP Guide_IK.pdf

ERP

ᑐᐊᕕᕐᓇᖅᑐᒃᑯᑦ ᐋᖅᑭᒃᓱᐃᔾᔪᑎᒃᓴᓄᑦ ᐱᓕᕆᐊᑦ

ᑐᐊᕕᕐᓇᖅᑐᓄᑦ ᓴᓇᔭᐅᒃᑲᓐᓂᕆᐊᓕᖕᓄᑦ ᐱᓕᕆᐊᒃᓴᑦ ᐃᑲᔪᓲᖑᕗᑦ ᓄᓇᕗᒥᐅᓂᒃ ᐃᒡᓗᓂᒃ ᓇᖕᒥᓂᖃᖅᑎᓄᑦ, ᐱᓕᕆᔪᓐᓇᕐᓗᑎᒡᓗ ᑐᐊᕕᕐᓇᖅᑐᒃᑯᑦ ᓴᓇᔭᐅᒃᑲᓐᓂᕆᐊᓕᖕᓄᑦ ᓴᖅᑭᔮᖅᑎᑦᑎᔪᓄᑦ ᓯᕘᕋᓇᖅᑐᓂᒃ ᐃᒡᓗᖃᖅᑎᒧᑦ ᖃᓄᐃᙱᑦᑎᐊᕐᓂᕐᒧᑦ ᐊᒻᒪ/ᐅᕝᕙᓘᓐᓃᑦ ᐊᑦᑕᕐᓇᖅᑕᐃᓕᒪᓂᕐᒧᑦ.

ᑐᐊᕕᕐᓇᖅᑐᒃᑯᑦ ᓴᓇᔭᐅᒃᑲᓐᓂᕈᑎᒃᓴᓄᑦ ᐱᓕᕆᐊᑦ ᐊᐃᑦᑑᑎᖃᓲᖑᕗᑦ $15,000-ᒧᑦ ᑎᑭᖦᖢᒍ. ᑐᐊᕕᕐᓇᖅᑐᒃᑯᑦ ᓴᓇᔭᐅᒃᑲᓐᓂᕆᐊᓕᖕᓄᑦ ᐱᓕᕆᐊᑦ ᐃᒡᓗᓂᒃ ᓇᖕᒥᓂᖃᖅᑎᓄᑦ ᐱᓕᕆᐊᓄᑦ. ᐱᓕᕆᐊᒃᓴᒧᑦ ᐱᔪᓐᓇᖅᑎᑕᐅᔪᑦ ᑮᓇᐅᔭᓕᐊᖏᓐᓂ ᒪᓕᒃᐳᑦ. ᐊᑭᑭᓛᖓ ᐋᖅᑭᒃᓱᖅᑕᐅᓂᖓᓄᑦ $1000−ᖑᔭᕆᐊᖃᖅᐳᖅ.

NHC ERP Guide IK

NHC ERP Guide_IK.pdf

EHP

ᐃᓐᓇᐃᑦ ᐃᒡᓗᖏᓐᓄᑦ ᐱᓕᕆᐊᖅ

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᓕᑕᖅᓯᐅᒪᖕᒪᑕ ᐱᒻᒪᕆᐅᓂᖓᓂᒃ ᐃᑲᔪᖅᓱᐃᒋᐊᒃᓴᖅ ᐃᓐᓇᕐᓂᒃ ᓇᖕᒥᓂᖅ ᐃᒡᓗᖃᖅᑎᑦᑏᓐᓇᕆᐊᖃᖅᑎᓪᓗᒋᑦ ᐅᑭᐅᖏᓪᓗ. ᐃᓐᓇᕐᓄᑦ ᐃᒡᓗᖃᖅᑎᑦᑎᓂᕐᒧᑦ ᐱᓕᕆᐊᖑᕙᒃᑐᖅ ᑕᒪᐃᓐᓂᒃ ᐅᖃᐅᔾᔪᐃᓂᕐᒥᒃ ᑮᓇᐅᔭᑎᒍᓪᓗ ᐃᑲᔪᖅᑐᐃᖃᑦᑕᖅᐳᑦ ᑐᕌᕆᔭᖃᖅᑎᑕᐅᓪᓗᓂ ᐃᑲᔪᖅᑐᐃᔾᔪᑕᐅᔪᒪᓪᓗᓂ ᐃᓐᓇᐃᑦ ᑲᔪᓯᑎᑦᑎᔪᓐᓇᕐᓂᖏᓐᓂᒃ ᐊᖏᕐᕋᒥᓂᒃ, ᐊᓯᔾᔨᕆᐊᖅᑎᑦᑎᕙᒃᖢᑎᒃ ᓄᑖᙳᕆᐊᖅᑎᑦᑎᕙᒃᖢᑎᒡᓗ ᐃᑲᔪᖅᑐᐃᔪᒪᓪᓗᑎᒃ ᓄᑕᐅᔪᓐᓃᖅᐸᓪᓕᐊᔪᓂᒃ, ᑕᒪᒃᑯᐊ ᓇᖕᒥᓂᖅ ᐃᒡᓗᖃᕐᓂᖅ ᐊᑐᒐᒃᓴᐅᔪᓐᓃᖅᐸᑦ, ᑐᓴᐅᒪᑦᑎᐊᕐᓗᓂᓗ ᓂᕈᐊᕆᔭᖃᕈᓐᓇᕐᓂᕐᒥᒃ ᐊᓯᐊᒍᖔᖅ ᐊᑐᖅᑐᐊᕐᓂᕐᒧᑦ ᐊᑐᖅᑕᐅᔪᓐᓇᖅᑐᓂᒃ.

ᐃᓐᓇᕐᓄᑦ ᐃᒡᓗᖃᖅᑎᑦᑎᒧᑦ ᐊᑕᐅᓰᓐᓇᓕᔪᓐᓇᖅᐳᖅ ᐊᖏᕐᕋᕆᔭᐅᔪᓂ ᓄᑖᙳᕆᐊᖅᑎᑦᑎᓂᕐᒧᑦ ᐱᓕᕆᐊᑎᒍᑦ. ᑖᓐᓇ ᐱᓕᕆᐊᖅ ᐱᔪᓐᓇᖅᑎᑦᑎᕗᑦ ᐊᐃᑦᑑᑎᓂᒃ ᐊᑭᖃᖅᑎᒋᔪᓂᒃ $5,000−ᒧᑦ ᑎᑭᓪᓗᒍ ᓱᕋᒃᓯᒪᔪᓂᒃ ᐋᖅᑭᒃᓱᐃᓂᕐᒧ ᐊᒻᒪ $30,000−ᒧᑦ ᑎᑭᖦᖢᒍ ᓴᓇᔭᐅᒃᑲᓐᓂᕆᐊᓕᖕᓄᑦ. ᐊᖏᓛᒥᒃ ᑮᓇᐅᔭᓕᐅᕐᓂᖅᑕᖃᙱᓚᖅ ᑭᓯᐊᓂ ᖃᓄᖅ ᐊᖏᑎᒋᓂᖓ ᐃᑲᔪᖅᑕᐅᓂᐅᑉ ᑮᓇᐅᔭᓕᐊᒥᓂᒃ ᒪᓕᖃᑦᑕᖅᐳᑦ.

ᐃᓐᓇᕐᓄᑦ ᐃᒡᓗᓕᕆᓂᕐᒧᑦ ᐱᓕᕆᐊᑦ ᐃᓇᖐᔾᔪᑕᐅᕗᑦ ᐃᓐᓇᕐᓂᑦ ᐊᖏᕐᕋᕆᔭᓂᑦ ᐋᖅᑭᒃᓱᐃᔾᔪᑎᒃᓴᓄᑦ ᐱᓕᕆᐊᓂᑦ ᐊᒻᒪᓗ ᐃᓐᓇᕐᓄᑦ ᐃᓄᖕᓄᓪᓗ ᑎᒥᒥᒍᑦ ᐊᔪᕈᑎᓕᖕᓄᑦ ᐃᒡᓗᒋᔭᖏᓐᓄᑦ ᐱᓕᕆᐊᓂᑦ.

NHC EHP Guide IK

NHC EHP Guide_IK.pdf

IFP

ᐊᑯᓐᓂᖅᓯᐅᑎᓂᒃ ᑮᓇᐅᔭᖃᖅᑎᑦᑎᓂᖅ

ᐊᑯᓐᓂᖅᓯᐅᑎᓂᒃ ᑮᓇᐅᔭᖃᖅᑎᑦᑎᓂᖅ (IFP) ᐃᑲᔪᑐᖅ ᐱᔪᓐᓇᖅᑐᓂᑦ ᓄᓇᕗᒻᒥᐅᓂᑦ ᐃᒡᓗᓕᐅᕐᓂᕐᒧᑦ ᐊᑐᐃᓐᓇᐅᑎᑦᑎᓪᓗᓂ ᕿᓚᒥᐅᔪᒃᑯᑦ ᑮᓇᐅᔭᖃᖅᑎᑦᑎᓂᕐᒥᑦ ᐊᑭᓕᖅᓱᐃᔾᔪᑕᐅᓂᐊᖅᑐᓂ ᐃᒡᓗᓕᐅᕐᓂᕐᒧᑦ ᐊᑭᖏᓐᓂᑦ ᐊᑯᓂᐅᔪᒃᑯᑦ ᐃᒡᓗᖁᑎᑖᕋᓱᖕᓂᕐᒧᑦ ᓄᓇᖁᑎᑖᕋᓱᖕᓂᕐᒧᓪᓗ ᐊᑭᓕᒃᓴᖓ ᑮᓇᐅᔭᖅ ᐊᑐᐃᓐᓇᐅᓚᐅᙱᓐᓂᖓᓂ.

ᐱᓕᕆᐊᒃᓴᖅ ᐊᑐᖅᑐᐊᖅᑎᑦᑎᓲᑦ 85%−ᒥ ᐊᖏᖅᑕᐅᓯᒪᔪᓂ ᐃᒡᓗᖁᑎᑖᕋᓱᖕᓂᕐᒧᑦ ᓄᓇᖁᑎᑖᕋᓱᖕᓂᕐᒧᓪᓗ ᐊᑭᓕᒃᓴᖓᓄᑦ, ᑮᓇᐅᔭᑦ ᓯᕗᓂᐊᒍᑦ ᐊᑭᓕᖅᑕᐅᕙᒃᖢᑎᒃ ᓴᓇᔭᐅᕙᓪᓕᐊᑎᓪᓗᒍ. ᐊᑐᖅᑐᐊᒐᖅ ᐊᑭᑦᑐᕆᐊᕈᑎᖃᙱᑦᑐᖅ ᑎᑭᓪᓗᒍ 18−ᓄᑦ ᑕᖅᑭᓂᑦ ᐊᒻᒪᓗ ᐊᑭᓕᖅᑕᐅᒃᑲᓐᓂᕆᐊᖃᖅᖢᓂ ᐊᑕᖏᕐᓗᒋᑦ 18−ᓄᑦ ᑕᖅᑭᓂᑦ ᓯᕗᓪᓕᖅᐹᒥᑦ ᐊᑭᓕᖅᑕᐅᓚᐅᖅᑎᓪᓗᒍ.

ᓇᖕᒥᓂᖅ ᐃᒡᓗᖃᕐᓂᕐᒧᑦ ᐃᑲᔪᖅᑐᖅᑕᐅᕗᖅ ᐃᒻᒥᑰᖅᑐᓄᑦ ᐃᒡᓗᓕᐅᖅᐸᓪᓕᐊᓂᕐᒧᑦ ᐊᖏᕐᕋᕆᓪᓗᐊᑕᕐᓂᐊᕐᓗᒍ, ᓯᕗᓪᓕᐅᔾᔭᐅᓪᓗᓂ ᑲᒪᒋᔭᐅᔪᓄᑦ ᓄᓇᕗᑦ ᓇᖕᒥᓂᖅ ᐃᒡᓗᖃᕐᓂᕐᒧᑦ ᐃᑲᔫᑎᑦ ᐊᒻᒪᓗ ᓄᓇᕗᒻᒥ ᐊᑭᓖᕙᓪᓕᐊᕙᒌᓂᕐᒧᑦ ᐃᑲᔪᖅᑕᐅᓂᕐᒧᑦ ᐱᓕᕆᐊᖑᕙᒃᑐᑦ.

ᖃᐅᔨᒋᐊᕐᕕᒋᓗᒋᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᓇᖕᒥᓂᖅ ᐃᒡᓗᖃᕐᓂᕐᒧᑦ ᐱᓕᕆᖃᑎᒌᑦ ᐅᖃᐅᓯᕆᔪᒪᓗᒋᑦ ᐊᔪᙱᑎᑕᐅᔪᑦ ᖃᓄᕐᓗ ᐱᓇᔪᒍᓐᓇᕐᒪᖔᑦ.

Nunavut Interim Financing Program Application Form

19653 NHC IFP Form.pdf

Nunavut Interim Financing Program Application Guide

19653 NHC IFP Guide.pdf

Igluliuqatigiingniq

Nunavut 3000

ᓄᓇᕗᑦ 3000 ᓴᖅᑭᑎᑦᑎᓂᐊᖅᐳᑦ ᐅᓄᕐᓂᖅᓴᐅᔪᓂ ᐃᒡᓗᒃᓴᓂ ᓄᓇᕗᒻᒥᐅᓄᑦ ᐱᕙᓪᓕᐊᑎᑦᑎᓂᒃᑯᑦ ᐱᓕᕆᖃᑎᒌᖕᓂᐅᔪᓂ ᐊᒻᒪ ᑲᑎᖅᓱᖅᑕᐅᕙᓪᓕᐊᔪᓄᑦ ᑮᓇᐅᔭᓂᑦ ᑐᖅᑯᖅᑕᐅᓯᒪᓪᓗᑎᒃ ᐃᓱᒪᑐᓂᕐᒥ ᓇᑉᐸᖅᑎᕆᓂᕐᒥ ᐱᓕᕆᔾᔪᓯᐅᔪᓂ ᐊᖏᒡᓕᒋᐊᖅᓯᔪᒥ ᐊᑑᑎᖃᑦᑎᐊᕐᓂᖓᓂ ᐊᒻᒪ ᒥᒃᖠᒋᐊᖅᑎᑦᑎᔪᒥ ᐊᑭᖏᓐᓂ.

ᐱᓕᕆᖃᑎᖃᕐᓂᕐᒥ ᓄᓇᓕᖕᓂᑦ, ᐃᓄᖕᓄᑦ ᑲᑐᔾᔨᖃᑎᒌᖑᔪᓄᑦ, ᐃᒡᓗᓕᕆᓂᕐᒧᑦ ᐱᓕᕆᕝᕕᐅᔪᒥ ᓇᖕᒥᓂᖃᖃᑕᐅᔪᑦ, ᐊᒻᒪᓗ ᑕᒪᒃᑭᑦ ᓄᓇᕗᒻᒥᐅᓄᑦ, ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᖓ ᑐᕌᖓᓂᖃᖅᐳᖅ ᐅᔾᔨᕆᓂᕐᒥ ᑕᐅᑐᕐᕉᒐᕐᒥ ᓄᓇᕗᑦ 3000−ᒥ ᓴᓇᓂᕐᒧᑦ ᖃᓄᐃᙱᑦᑎᐊᖅᑐᓂ ᓄᓇᓕᖕᓂᑦ, ᐃᑲᔪᖅᓱᐃᓂᕐᒥ ᐱᓕᒻᒪᒃᓴᕐᓂᕐᒥ ᐊᒻᒪ ᓄᓇᓕᖕᓂ ᐱᕙᓪᓕᐊᑎᑦᑎᓂᕐᒥ, ᐊᒻᒪᓗ ᐊᖏᒡᓕᒋᐊᖅᑎᑦᑎᓗᓂ ᐃᓘᓐᓇᓕᒫᖓᓂ ᐃᒡᓗᑖᕐᕕᐅᔪᓐᓇᖅᑐᓄᑦ ᓄᓇᕗᒻᒥ.