ᐊᑯᑐᓗᐊᙱᑦᑐᓂᒃ ᓂᕈᐊᕐᕕᒃᓴᖅᑕᖃᙱᓐᓂᖅ ᓯᓚᑖᒍᑦ ᑭᒃᑯᑐᐃᓐᓇᕐᓄᑦ ᐊᒻᒪᓗ ᐃᖅᑲᓇᐃᔭᖅᑎᓄ ᐃᒡᓗᒃᓴᖏᑦ ᐊᒻᒪᓗ ᓄᓇᕗᒻᒧᑦ ᐊᔪᐃᓐᓈᕈᑕᐅᖕᒪᑦ. ᓄᓇᕗᒻᒥ ᐊᑭᑐᓗᐊᖏᑦᑐᓂᒃ ᐃᒡᓗᖃᖅᑎᑦᑎᓂᕐᒧᑦ ᐊᔭᐅᕆᒋᐊᕈᑎ (NAHSI) ᓴᓇᔭᐅᓚᐅᖅᑐᖅ ᐃᑲᔪᖅᓱᖅᑕᐅᓂᖓ ᐊᑭᑐᓗᐊᙱᑦᑐᑦ ᐃᒡᓗᒃᓴᐃᑦ ᓴᓇᔭᐅᓂᖏᑕ ᐃᑲᔪᖅᓱᖅᑕᐅᓂᖏᓐᓄᑦ. ᑐᕌᒐᖅ: ᓄᓇᕗᒻᒥᐅᑦ ᐃᒡᓗᒃᓴᓂᑦ ᓂᕈᐊᕐᕕᒃᓴᖃᕐᓂᖅᓴᐅᓗᑎᒃ, ᐱᓗᐊᖅᑐᒥᒃ ᐊᑭᑐᓗᐊᙱᑦᑐᑦ ᐃᒡᓗᒃᓴᐃᑦ.

ᓄᓇᕗᒻᒥ ᐊᑭᑐᓗᐊᖏᑦᑐᓂᒃ ᐃᒡᓗᖃᖅᑎᑦᑎᓂᕐᒧᑦ ᐊᔭᐅᕆᒋᐊᕈᑎ ᑮᓇᐅᔭᖅᑎᒍᑦ ᐃᑲᔪᖅᓱᖅᐸᒃᑐᖅ ᐊᑭᑐᔫᑎᓂᒃ ᐱᕙᓪᓕᐊᑎᑕᐅᓂᖏᓐᓄᑦ ᓄᑖᖑᔪᑦ ᐊᑭᑐᓗᐊᙱᑦᑐᑦ ᐃᒡᓗᒃᓴᐃᑦ ᐊᔭᐅᒋᐊᖅᑎᑕᐅᓪᓗᑎᒃ ᐃᒡᓗᓕᕆᓂᕐᒧᑦ ᐱᕙᓪᓕᐊᑎᑦᑎᔩᑦ ᐊᒥᓱᕈᖅᐹᓪᓕᖅᑎᑕᐅᓂᖏᓐᓄᑦ ᐊᑭᑐᓗᐊᙱᑦᑐᑦ ᐊᑐᖅᑐᐊᖅᑕᐅᔪᓐᓇᖅᑐᑦ ᐊᒻᒪᓗ ᓇᖕᒥᓂᕆᔭᐅᔪᑦ ᐃᒡᓗᐃᑦ. ᐱᓇᔪᒃᑐᑦ ᐱᓇᔪᒍᓐᓇᖅᑐᑦ ᐊᑭᑐᔫᑎᓄᑦ ᐊᕐᕌᒍᓄᑦ 10−ᓄᑦ ᐋᖅᑭᒃᓯᒪᔪᒧᑦ ᐅᑎᕐᕕᐅᔭᕆᐊᖃᙱᑐᒧᑦ ᐊᑐᖅᑐᐊᕐᓂᕐᒥᑦ $150,000−ᓄᑦ ᐊᑐᓂ ᐱᔪᓐᓇᖅᑎᑕᐅᔪᒧᑦ ᐊᑐᖅᑐᐊᖅᑕᐅᓂᐊᖅᑐᒧᑦ ᐅᕝᕙᓘᓐᓃᑦ ᓇᖕᒥᓂᕆᔭᐅᓂᐊᖅᑐᒧᑦᒧ ᐃᒡᓗᒧᑦ ᓴᓇᔭᐅᔪᒧᑦ.

ᑐᙵᕕᒋᓪᓗᒍ ᓄᓇᕗᑦ 3000 ᑎᑭᐅᑎᔭᐅᓇᓱᒃᑐᑦ 900 ᓄᑖᖑᔪᑦ ᐊᑭᑐᓗᐊᙱᑦᑐᑦ ᐃᒡᓗᐃᑦ ᐊᕐᕌᒍᖓ 2030 ᑎᑭᓚᐅᖅᑎᓐᓇᒍ, ᑕᒪᒃᑭᖅᖢᒋᑦ ᕿᑐᕐᖏᐅᕈᑕᐅᓇᓱᐊᕈᓐᓇᖅᑐᑦ ᑖᔅᓱᒥᖓ ᐱᓕᕆᐊᒃᓴᕐᒥ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑎᒍᑦ ᑎᑭᐅᑎᔪᓐᓇᕋᔭᖅᑐᖅ $135 ᒥᓕᐊᓐ ᑖᓚᓄᑦ, ᑖᒃᑯᓇᙵᑦ 100 ᐊᑭᑐᓗᐊᙱᑦᑐᑦ ᐃᒡᓗᐃᑦ ᐃᓚᓕᐅᔾᔭᐅᔪᓐᓇᖅᖢᑎᒃ 2024-2025 ᑮᓇᐅᔭᓕᕆᓂᕐᒧᑦ ᐊᕐᕌᒍᖓᓄᑦ.

ᐊᑭᑐᓗᐊᙱᑦᑐᑦ ᐃᒡᓗᐃᑦ ᐱᔾᔪᑎᖃᖅᐳᖅ ᐃᒡᓗᓂᒃ ᐊᑐᖅᑐᐊᒐᒃᓴᐅᔪᓂᒃ ᐅᕝᕙᓘᓐᓃᑦ ᓂᐅᕕᕋᒃᓴᐅᔪᓂᒃ ᐊᑭᓕᖅᑕᐅᖃᑦᑕᕐᓂᐅᔪᒥᑦ ᐊᑭᑭᓐᓂᖅᓴᐅᓗᑎᒃ ᐊᒻᒪᓗ ᑕᐃᒪᐃᒻᒪᑦ ᐊᑭᑐᓗᐊᙱᖦᖢᑎᒃ ᐃᓄᑐᐃᓐᓇᕐᓄᑦ ᐃᓚᒌᒃᑐᓄᓪᓗ.

ᐱᔪᓐᓇᖅᑎᑕᐅᔪᑦ ᐃᒡᓗᐃᑦ ᐃᓚᒋᔭᐅᕗᑦ ᐃᓚᒌᓄᑦ ᐊᑕᐅᓯᕐᒧᑦ ᐃᒡᓗᐃᑦ, ᐊᖏᕐᕋᕆᔭᐅᔪᑦ ᑲᑎᙵᐅᖅᑐᑦ, ᐃᒡᓗ ᑲᑎᙵᔪᓂ ᓇᖕᒥᓂᕆᔭᑦ, ᑯᐊᐸᐅᔪᑦ, ᓴᓇᔭᐅᓯᒪᔪᑦ ᐊᖏᕐᕋᑦ, ᐊᒻᒪᓗ ᐃᓗᐊᓂ ᓴᓇᔭᐅᓯᒪᔪᑦ ᐊᖏᕐᕋᑦ. ᐃᒡᓗᕈᓯᒃᑲᓐᓃᑦ, ᓴᓇᓂᕐᒧᑦ ᑕᖕᒫᖅᓯᒪᕝᕖᑦ, ᐃᓗᐊᖅᓴᐃᓂᕐᒧᑦ ᐊᖏᕐᕋᕆᔭᐅᔪᑦ, ᐊᔾᔨᙱᑦᑐᓄᑦ ᐸᖅᑭᔭᐅᕝᕖᑦ, ᐊᓯᖏᓪᓗ ᐊᐅᓚᔪᓐᓇᐅᑎᖃᖅᑐᑦ ᐱᓕᕆᕝᕖᑦ ᐱᔪᓐᓇᖅᑎᑕᐅᙱᑦᑐᑦ.

ᐱᓇᔪᒍᓐᓇᖅᑎᑕᐅᔪᓄᑦ ᓄᓇᕗᒻᒥ ᐊᑭᑐᓗᐊᖏᑦᑐᓂᒃ ᐃᒡᓗᖃᖅᑎᑦᑎᓂᕐᒧᑦ ᐊᔭᐅᕆᒋᐊᕈᑎᒧᑦ ᐃᓚᒋᔭᐅᔪᑦ ᐃᓄᐃᑦ ᑎᒥᖏᑦ, ᓇᖕᒥᓂᖅ ᐃᒡᓗᓕᐅᕐᓂᕐᒧᑦ ᐱᕙᓪᓕᐊᑎᑦᑎᔩᑦ, ᐃᓄᑐᐃᓐᓇᐃᑦ, ᐊᒻᒪᓗ ᑮᓇᐅᔭᓕᐅᕋᓱᐊᙱᑦᑐᑦ ᑎᒥᐅᔪᑦ ᓄᓇᕗᒻᒥ ᐊᑭᑐᓗᐊᙱᑦᑐᓂᒃ ᐃᒡᓗᓕᐅᕈᒪᔪᓂᒃ. ᖃᐅᔨᒋᐊᒃᑲᓐᓂᕈᒪᒍᕕᑦ ᑕᑯᒋᐊᕐᓗᒍ ᐱᓇᔪᖕᓂᕐᒧᑦ ᐃᑲᔪᕈᑎᕗᑦ ᐅᕝᕙᓘᓐᓃᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑐᓴᖅᑎᓪᓗᒋᑦ.