ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑐᙵᓱᒃᑎᑦᑎᕗᑦ ᐃᓚᐅᖃᑕᐅᔪᒪᔪᑦ ᐊᑎᓕᐅᕆᐊᖃᓕᕐᓂᖏᓐᓂᒃ ᐅᐸᒍᑎᓂᐊᕐᓂᕐᒧᑦ ᓇᓗᓇᐃᕐᓗᑎᒃ 2025-ᒥ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑲᑎᒪᕐᔪᐊᖅᑎᓪᓗᒋᑦ, ᔫᓂ 9-ᒥ 12-ᒧᑦ, 2025, ᐃᖃᓗᖕᓂ ᐊᖅᓴᕐᓃᑦ ᑐᔪᕐᒥᕕᖓᓂ ᐊᒻᒪ ᑲᑎᒪᕝᕕᖕᒥ.

ᑕᕝᕙᓂ 2025 ᓄᓇᕗᒻᒥ ᐃᒡᓗᓕᕆᓂᕐᒧᑦ ᑲᑎᒪᓂᖅ ᑲᑎᑎᑦᑎᓂᐊᕋᓱᒋᔭᐅᕗᑦ 300 ᐅᖓᑖᓂ ᐃᒡᓗᓕᕆᓂᕐᒧᑦ ᓇᖕᒥᓂᖃᖃᑕᐅᔪᓂᒃ ᓄᓇᕘᓕᒫᒥ ᐊᓯᖏᓐᓂᒡᓗ ᑲᓇᑕᒥᙶᖅᑐᓂᒃ ᐅᓂᒃᑳᕐᓗᑎᒃ ᑲᔪᓯᑦᑎᐊᖅᓯᒪᔪᓂᒃ ᐊᒻᒪ ᐃᓕᑦᑎᔾᔪᑕᐅᓯᒪᔪᓂᒃ. ᐱᕕᒃᓴᐅᕗᖅ ᖃᐅᔨᓇᓱᒡᕕᒋᒋᐊᒃᓴᖅ ᓄᑖᓂᒃ ᐃᓱᒪᒋᔭᒃᓴᓂᒃ ᐃᒡᓗᓕᐅᕐᓂᐊᕐᓗᓂ ᐊᓂᒍᖅᑎᓪᓗᒋᓪᓗ ᑐᓗᖅᑕᕈᑏᑦ ᐃᓂᒃᓴᖃᖅᑎᑦᑎᓯᓐᓈᑦ ᐃᒡᓗᓕᕆᓂᕐᒧᑦ ᐱᔭᐅᔭᕆᐊᓕᖕᓂᒃ ᓄᓇᑦᑎᓐᓂ.

2025−ᒥ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑲᑎᒪᑎᓪᓗᒋᑦ ᑲᑎᒪᔾᔪᑎᒃᓴᑦ ᐅᑯᓂᖓ ᐃᓱᒪᓕᐅᕈᑎᒃᓴᖃᕐᓂᐊᖅᐳᑦ:

•ᓄᓇᕗᑦ 3000 ᐊᒻᒪ ᓴᓇᔭᐅᖏᓐᓇᖅᑐᑦ ᐱᓕᕆᐊᑦ.

•ᓴᓇᔨᒃᓴᐃᑦ ᐱᓕᒻᒪᒃᓴᖅᑕᐅᓂᖏᑦ ᐃᖅᑲᓇᐃᔭᖅᑏᓪᓗ ᐊᔪᕈᓐᓃᖅᐸᓪᓕᐊᑎᑕᐅᖏᓐᓇᕐᓂᖏᑦ

•ᓄᓇᓕᕆᓂᕐᒧᑦ ᐱᓕᕆᐊᒃᓴᐅᕙᒃᑐᑦ ᕼᐋᒻᓚᑦᑯᓪᓗ ᒪᑭᒪᐅᑎᖏᑦ.

•ᓄᓇᓕᖕᓂ ᐃᒡᓗᓕᕆᔨᒃᑯᑦ ᐱᕕᒃᓴᐃᑦ/ᐊᒃᓱᕈᕐᓇᖅᑐᑦ

•ᐋᖅᑭᒃᓱᒐᕐᓂᒃ ᐃᒡᓗᓕᐊᒐᒃᓴᑦ ᐊᔾᔨᒌᙱᑦᑐᑦ.

•ᑕᑯᒃᓴᐅᑎᑦᑎᒥᓂᐊᕐᔪᑦ ᐊᑐᖅᑕᐅᒐᔪᙱᑦᑐᓂᒃ ᓄᑖᓂᒃ ᓴᓇᔨᓄᑦ ᐱᓕᕆᔾᔪᑕᐅᕙᒃᑐᑦ.

ᐃᓚᐅᔪᒪᔪᑦ ᑎᓕᐅᖅᑕᐅᕗᑦ ᐊᑎᓕᐅᖃᑕᐅᖁᔭᐅᓪᓗᑎᒃ ᐊᔪᕐᓇᕈᓐᓃᑐᐊᖅᐸᑦ.

ᐊᑎᓕᐅᖅᑕᐅᖃᑕᐅᔪᒪᒍᕕᑦ ᐅᕝᕙᓘᓐᓃᑦ ᖃᐅᔨᔪᒪᒍᕕᑦ ᑮᓇᐅᔭᑎᒍᑦ ᐃᑲᔪᖅᑕᐅᓂᕐᒥᒃ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑕᑯᒋᐊᕐᓗᒋᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ 2025 ᓄᓇᕗᒻᒥ ᐃᓪᓗᓕᕆᓂᕐᒧᑦ ᑲᑎᒪᓂᕐᒧᑦ ᐊᑎᓕᐅᕐᕕᒃ .