ᐱᕙᓪᓕᐊᔪᖅ ᓴᖅᑭᑎᑕᐅᔪᖅ
2022-08-24
ᐊᖏᖃᑎᒌᒍᑎᑖᕐᐴᒃ ᑐᙵᕕᑎᒍᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᒻᒪᓗ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᙵᑕ ᐱᕙᓪᓕᐊᑎᑦᑎᔩᑦ
ᐃᖃᓗᐃᑦ, ᓄᓇᕗᑦ (ᐋᒡᒌᓯ 24, 2022) − ᐋᒡᒌᓯ 18, 2022−ᖑᑎᓪᓗᒍ, ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐊᒻᒪᓗ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᖓᑕ ᐱᕙᓪᓕᐊᑎᑦᑎᔩᑦ ᐊᖏᖃᑎᒌᒍᑎᑖᓚᐅᕐᐴᒃ ᑐᙵᕕᑎᒍᑦ ᐅᐸᓗᖓᐃᔭᕐᓯᒪᔪᓂᑦ ᐱᓕᕆᖃᑎᒌᒍᒪᓪᓗᑎᑦ ᓴᓇᓂᐊᕐᓗᑎᒃ ᐱᔭᐅᔪᒪᔪᒻᒪᕆᖕᓂᑦ ᐃᒡᓗᒋᔭᐅᑲᐃᓐᓇᕋᔭᕐᑐᓂᑦ, ᑭᒃᑯᑐᐃᓇᕐᓄᑦ, ᐊᑭᑐᓗᐊᙱᑦᑐᓂᑦ ᐃᒡᓗᓂᓪᓗ ᓂᐅᕕᐊᒃᓴᖃᕐᓂᖅ ᓄᓇᕗᒻᒥᑦ. ᑕᒪᖕᒥᒃ ᑲᑐᔾᔨᖃᑎᒌᒃ ᖃᐅᔨᒪᔪᑦ ᐱᒻᒪᕆᐅᓂᖓᓂ ᓴᙱᔪᒥᑦ ᐱᓕᕆᖃᑎᒌᖕᓂᖃᖕᓂᖕᒥᑦ ᑖᒃᑯᓇᓂ ᓄᓇᕗᑦ ᒐᕙᒪᒃᑯᓐᓂᑦ ᐃᓄᐃᑦ ᑲᑐᔾᔨᖃᑎᒌᓪᓗ ᓲᓗ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᖓᑕ ᐱᕙᓪᓕᐊᑎᑦᑎᔩᓪᓗ ᐊᔾᔨᒌᓕᕐᑎᓪᓗᑎᒍ ᑲᑐᔾᔨᓂᑎᒍ ᓴᙱᓂᕐᐳᑦ ᐃᒡᓗᓕᐅᒃᑲᓐᓂᕋᓱᒃᑎᓪᓗᑕ ᓄᓇᕗᒻᒥᐅᓄᑦ.
ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐊᒻᒪᓗ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᖓᑕ ᐱᕙᓪᓕᐊᑎᑦᑎᔩᑦ ᐊᒥᓱᒐᓚᖕᓂᑦ ᐊᔾᔨᒌᓂ ᐱᒻᒪᕆᐅᒍᓱᒃᑑᒃ ᐃᑲᔪᖅᑐᐃᔪᑦ ᐱᕙᓪᓕᐊᓂᖕᒥᑦ ᓴᖅᑭᑕᐅᔪᒪᔪᒥ ᐅᐸᓗᖓᐃᔭᕐᓯᒪᔪᒥ ᐱᓕᕆᖃᑎᒌᖕᓂᖕᒥᑦ ᑎᑭᓐᓇᓱᒃᓗᒍ ᑭᓱᓪᓚᕆᑦ ᑐᕌᒐᕆᔭᐅᔪᑦ ᓄᓇᕗᒻᒧᑦ, ᐃᓚᐅᓪᓗᑎᒃ: • ᐱᕙᓪᓕᐊᑎᑦᑎᓂᖅ ᐃᓄᖕᓂᑦ ᐃᖅᑲᓇᐃᔭᕐᑎᑦᑎᓂᑦ ᐃᓄᖕᓂᓪᓗ ᐱᕕᒃᓴᖃᕐᑎᑦᑎᖃᑦᑕᕐᓂᖅ ᐃᖅᑲᓇᔮᓪᓚᑦᑖᖃᕐᓂᖕᒥᑦ ᐃᖅᑲᓇᐃᔮᖃᕐᓂᕐᓗ ᐃᒡᓗᓕᐅᕐᓂᖕᒥᑦ. • ᐱᐅᔪᒻᒪᕆᐊᓗᖕᓂᑦ ᐃᒡᓗᓕᕆᓂᖕᒧᑦ ᐋᖅᑭᒋᐊᕈᑎᒃᓴᓕᕆᓂᖅ ᓄᓇᕗᒻᒥᐅᓄᑦ ᐱᐅᓛᑦᑎᐊᓂ ᓂᐅᕕᖅᐸᒃᑐᓄᑦ ᐃᒡᓗᖃᖅᑎᓄᓪᓗ ᓈᒻᒪᒋᔭᐅᓂᐊᕐᓗᑎᒃ. • ᐱᐅᔪᒻᒪᕆᖕᓂᑦ ᑮᓇᐅᔭᓕᐅᕈᑎᒃᓴᓕᐅᕐᓗᑎᒃ ᐃᓄᖕᓄᓪᓗ ᐅᑎᕐᑐᒃᓴᓂᑦ, ᐊᒻᒪᓗᑦᑕᐅᖅ, ᐃᑲᔪᖅᑐᐃᓗᑎᒃ ᓄᓇᕗᒻᒥᑦ ᓄᓇᓕᖕᓂᑦ.
ᐅᓇ ᐊᖏᕈᑎ ᐃᓚᓕᐅᔾᔨᕗᖅ ᐃᓄᐃᑦ ᖃᐅᔨᒪᔭᑐᖃᖏᑦ ᐱᒻᒪᕆᐅᒋᔭᖏᓐᓂᑦ ᐱᓕᕆᖃᑎᒌᓐᓂᖅ − ᐱᓕᕆᖃᑎᒌᖕᓂᖅ ᐊᑕᐅᓯᕐᒧᑦ ᑐᕌᖅᑐᒥᒃ ᐊᒻᒪᓗ ᖃᓄᖅᑑᕐᓂᖅ − ᐃᓱᒪᑐᓂᖅ ᐊᒻᒪ ᐃᖅᑲᖅᓴᕈᓐᓇᕐᓂᖅ. ᐅᓇ ᐃᓱᒪᑐᓂᒃᑯᑦ ᑳᓐᑐᓛᖃᕐᓗᓂ ᐃᒡᓗᓕᐅᕐᓂᖕᒧᑦ ᐋᖅᑭᐅᑎᕗᖅ ᓴᙱᓂᕆᔭᑦ ᐱᓕᕆᖃᑎᒌᑦ ᐃᑲᔪᕐᓂᐊᕐᓗᑎᒃ ᐃᒡᓗᑭᒃᓴᓗᐊᕌᓗᖕᓂᑦ ᓄᓇᕗᒻᒥᑦ.
ᐅᖃᐅᓯᐅᓯᒪᔪᑦ:
“ᐊᑭᑦᑐᕐᐸᓪᓕᐊᒐᓗᐊᕐᑎᓪᓗᒋ ᐃᒡᓗᓕᐅᕐᓂᖅ ᑭᒡᓕᖓ ᑕᒪᑐᒪᓂ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂᑦ ᐃᒡᓗᓕᐅᕐᓂᖕᒧᑦ ᐸᖕᓇᐅᑎ, ᐱᔭᓪᓕᐊᖏᓐᓇᕐᐳᒍ ᐱᓇᔪᒃᓯᒪᔭᑦᑎᓐᓂ ᑲᒪᒋᔭᖃᕐᓂᖅ ᐃᒡᓗᑭᒃᓴᓗᐊᕐᓂᖅ ᖃᓄᓕᒫᖅ ᐃᒡᓗᓕᕆᓂᖕᒧᑦ.” ᐅᖃᖅᑐᖅ ᒪᓕᒐᓕᐅᕐᑎ ᖁᐊᓴ ᑯᓱᒐᖅ, ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᑦ. “ᐅᓇ ᐊᖏᕈᑎ ᑐᙵᕕᒃᑯᑦ ᓴᖅᑭᑦᑎᕗᖅ ᑲᑐᔾᔨᓂᑦᑎᓐᓂ ᐱᔪᒪᔭᕗ ᐊᑭᑐᓗᐊᙱᑦᑐᓂ ᐃᒡᓗᓕᕆᓂᖕᒧᑦ ᓇᓖᕌᒐᒃᓂ ᓄᓇᕗᒻᒥᐅᓄᑦ ᓄᓇᓕᓕᒫᓂ ᓄᑖᑎᒍ ᐃᓱᒪᑐᓂᒃᑯᓪᓗ ᐱᓕᕆᓂᐊᕐᓗᑎᒃ ᓴᓇᒪᓂᖓᓂ, ᓂᐅᕕᕐᓂᖕᒥᑦ ᐃᒡᓗᓕᐊᖑᓂᖏᓐᓂᓪᓗ.”
“ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᖓᑕ ᐱᕙᓪᓕᐊᑎᑦᑎᔩᑦ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᖓᑕ ᐱᕙᓪᓕᐊᑎᑦᑎᔩᑦ ᑐᙵᓱᒃᑎᑦᑎᕗᑦ ᐱᕕᒃᓴᖃᕐᓂᖓᓂ ᐃᑲᔪᖅᑎᒌᖕᓂᖕᒥᑦ ᑖᒃᑯᖕᓇᙵᑦ ᓄᓇᕗᒻᒥᑦ ᒐᕙᒪᒃᑯᑦ ᐊᒻᒪᓗ ᐃᓄᐃᑦ ᑲᑐᔾᔨᖃᑎᒌᖏᑦ” ᐅᖃᖅᑐᖅ ᕼᐊᐅᕆ ᕙᓚᐅᕋᑎ, ᐃᒃᓯᓚᕙᐅᑕᕆᔭᖅ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᖓᑕ ᐱᕙᓪᓕᐊᑎᑦᑎᔨᒃᑯᓐᓄᑦ.
“ᐅᓇ ᐊᖏᖃᑎᒌᒍᑎ ᑐᙵᕕᒃᑯᑦ ᓇᓗᓇᐃᔭᐃᕗᖅ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᖓᑕ ᐱᕙᓪᓕᐊᑎᑦᑎᔩᑦ ᐱᓕᕆᐊᒃᓴᖏᓐᓂᑦ ᐱᕙᓪᓕᐊᓂᒃᑯᑦ ᐱᕕᒃᓴᓕᐅᕆᖃᑦᑕᕐᓂᐊᕐᓗᑎᒃ ᐋᖅᑭᒋᐊᕆᓂᖕᓂᓪᓗ ᓇᓕᒧᓪᓗᑎᒃ ᐃᖅᑲᓇᐃᔮᒃᓴᓕᐅᕐᓗᑎᒃ ᐱᕈᕐᐸᓪᓕᐊᑎᑦᑎᓗᑎᒃᓗ ᐱᖓᓱᓂᑦ ᓄᓇᕗᒻᒥᑦ ᐊᕕᒃᑐᕐᓯᒪᔪᓂᑦ.”
ᓱᓕᔪᑦ:
• ᓄᓇᕗᒻᒥᑦ ᐃᒡᓗᓂ ᓂᐅᕕᐊᒃᓴᖃᖃᑦᑕᕐᓂᖅ ᐊᒃᓱᕈᕐᓇᖅᑐᒻᒪᕆᒃᓯᐅᕐᒪᑕ, ᐱᔪᒪᔭᐅᒻᒪᕆᐊᓗᒃᖢᑎᒃ ᐃᒡᓗᑭᒃᓴᕕᒡᔪᐊᕐᖢᓂᓗ. ᐃᓄᒋᐊᓗᐊᕐᓂᖅ ᐱᐅᙱᓐᓂᖏᓪᓗ ᐃᒡᓗᖁᑎᒋᔭᑦ ᐊᑲᐅᙱᓕᐅᕈᑎᖃᓕᖃᑦᑕᕈᑕᐅᕗᖅ ᐃᓄᖕᓄᑦ ᑎᒥᖏᓐᓄᓪᓗ. • ᐃᓱᒪᒋᔭᐅᔪᖅ ᒫᓂ ᐊᑯᓐᓂᐊᓂ 3500 ᐊᒻᒪᓗ 4000 ᓄᑖᓂ ᐃᒡᓗᓕᐅᕆᐊᖃᕋᓱᒋᔭᑦ ᑲᒪᒋᔭᐅᓂᐊᕐᓗᓂ ᐃᒡᓗᑭᒃᓴᕐᓂᖅ ᓄᓇᕗᒻᒥᑦ. • ᐃᑲᔪᖅᑐᕐᓂᐊᕐᓗᒋ ᐊᖏᕈᑎ ᑐᙵᕕᒃᑯᑦ, ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᐊᒻᒪᓗ ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᖓᑕ ᐱᕙᓪᓕᐊᑎᑦᑎᔩᑦ ᐃᑲᔪᖅᑎᒌᖕᓂᐊᕐᐴᒃ ᐃᓄᖕᓂᑦ ᐃᖅᑲᓇᐃᔭᕐᑎᑖᕐᑐᕐᓂᖕᓂᑦ ᐃᖅᑲᓇᐃᔮᓪᓚᑦᑖᓂ ᐃᒡᓗᓕᐅᕐᓂᖕᓂᑦ. ᐅᓇ ᐃᓚᖃᕐᓂᐊᕐᑐᖅ ᐊᑐᓕᕐᑎᑕᐅᓂᖓ ᐱᓕᒻᒪᒃᓴᐃᓂᖅ ᐱᕙᓪᓕᐊᓂᖕᒧᓪᓗ ᐱᓕᕆᐊᒃᓴᓂᑦ. • ᓄᓇᕗᒻᒥ ᐃᒡᓗᓕᐅᖅᑏᑦ ᑯᐊᐳᕇᓴᖓᑕ ᐱᕙᓪᓕᐊᑎᑦᑎᔩᑦ ᓇᖕᒥᓂᖁᑎᒋᔭᐅᕗᖅᓄᓇᕗᒻᒥᑦ ᐃᒡᓗᓕᐅᕐᑏᑦ ᑯᐊᐳᕇᓴᖓᑕ ᑮᓇᐅᔭᓕᐅᕋᓱᐊᕈᑎᒃᑯᓐᓂᑦ, ᐃᓄᖕᓂ ᓇᖕᒥᓂᖁᑎᒋᔭᖅ ᓇᓗᓇᐃᕐᑕᐅᓯᒪᔪᖅ ᓄᓇᕗᒻᒥ ᐊᖏᕈᑎᒥᑦ 100 ᐳᓴᓐᑎᒥ ᐃᓄᖕᓄ ᓇᖕᒥᓂᖁᑎᒋᔭᐅᖕᒪᑦ ᓄᓇᓯ ᑯᐊᐳᕇᓴᓐᑯᓐᓄᑦ, ᓴᒃᑯ ᑮᓇᐅᔭᓕᐅᕋᓱᐊᕈᑎᑦ ᑯᐊᐳᕇᓴᓐᑯᖏᓐᓄᑦ, ᕿᑎᕐᒥᐅᑦ ᑯᐊᐳᕇᐃᓴᓐ ᐊᒻᒪᓗ ᕿᑭᑦᑖᓗᒃ ᑯᐊᐳᕇᓴᓐᑯᓐᓄᑦ. • ᑎᓴᒪᑦ ᑯᐊᐳᕇᓴᓐ ᑎᑎᕋᕐᓯᒪᔪᑦ ᖁᓛᓂ 100 ᐳᓴᓐᑎᒥ ᓇᖕᒥᓂᖁᑎᒋᔭᐅᕗᑦ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ, ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖓᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ − ᑎᒥᐅᔪᑦ ᓄᓇᑖᕐᓂᖕᒧᓪᓗ ᑲᑐᔾᔨᖃᑎᒌᒃ ᑭᒡᒐᖅᑐᐃᔪᐃᑦ ᐃᓄᐃᑦ ᓄᓇᕗᒻᒥᑦ ᓄᓇᕗᒻᒥᑦ ᐊᖏᕈᑎᖓᑎᒍᑦ.
