ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ (NHC) ᖁᕕᐊᓱᑦᑐᑦ ᑐᓴᖅᑎᑦᑎᒋᐊᔅᓴᖅ ᐅᓪᓗᒥᒨᖓᔪᓂᑦ ᐃᑲᔪᖅᑕᐅᓂᕐᒧᑦ ᐱᓕᕆᐊᑦ ᐃᑲᔪᖅᑐᑎᑦ ᐃᒡᓗᓕᐅᖃᑎᒌᖕᓂᖅ, ᓄᓇᕗᒻᒥ 3000 ᐸᕐᓇᐅᑦ “ᐃᒡᓗᓕᐅᖃᑎᒌᓐᓂᕐᒧᑦ”.

ᓄᓇᕗᒻᒥ ᑮᓇᐅᔭᖅᑐᓗᐊᖏᑦᑐᓂᑦ ᐃᓪᓗᖃᖅᑎᑦᑎᓂᕐᒧᑦ ᐱᓕᕆᔭᐅᔪᖅ (NAHSI), ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᓄᑖᖅ ᓂᐅᕕᐊᔅᓴᓕᓐᓄᑦ ᐱᓕᕆᐊᖅ ᑐᕌᖓᑎᑕᐅᔪᑦ ᐃᓪᓗᓕᐅᖅᑎᓄᑦ ᐊᒻᒪ ᓴᓇᔨᓄᑦ ᖁᕝᕙᕆᐊᖅᑕᐅᓗᑎ ᐱᑕᖃᖅᑎᑕᐅᓗᑎ ᑮᓇᐅᔭᖅᑐᓗᐊᖏᑦᑐᓂᑦ ᐃᓪᓗᖃᓂᕐᒧᑦ, ᐃᑲᔪᕐᓂᐊᖅᑐᑦ ᑎᑭᑦᑎᓗᑎ ᑲᑐᔾᔨᓗᑕ ᑲᔪᖏᖅᑕᐅᓯᒪᔪᓂᑦ ᐊᒥᓱᕈᕆᐊᖅᑕᐅᓗᑎ ᓄᓇᕗᒻᒥ ᐃᓪᓗᓕᕆᓂᕐᒧᑦ ᑲᔪᓯᑎᑕᐅᓂᖓ. ᑮᓇᐅᔭᖅᑐᓗᐊᖏᑦᑐᓂᑦ ᐃᓪᓗᓕᕆᓂᕐᒧᑦ ᐱᔾᔪᑎᖃᖅᑐᑦ ᐃᓪᓗᓂᑦ ᐊᑐᐃᓐᓇᐅᔪᓂᑦ ᓂᐅᕐᕈᑕᐅᕙᑦᑐᓂᑦ ᐊᑐᖅᑐᐊᓂᕐᒧᑦ ᐅᕝᕙᓘᓐᓃᑦ ᓂᐅᕕᓂᕐᒧᑦ ᖃᑦᑏᓐᓇᐅᓛᕆᔪᓐᓇᖅᑕᖓ 20% ᑐᖔᓂ ᓂᐅᕈᑕᐅᔪᓂᑦ ᐊᑭᖏᓐᓂ ᐊᒻᒪ ᑕᐃᒪᐃᓐᓂᖓᓄᑦ ᑮᓇᐅᔭᖅᑐᓗᐊᖏᓂᖅᓴᐅᑎᑕᐅᔪᑦ ᐃᓄᓐᓄᑦ ᐊᒻᒪ ᐃᓚᒌᓄᑦ.

ᐱᓕᕆᑎᑕᐅᓗᑎ ᐱᕙᓪᓕᐊᑎᑕᐅᓂᖏᑦ ᑮᓇᐅᔭᖅᑐᓗᐊᖏᑦᑐᑦ ᐃᓪᓗᐃᑦ ᐊᑐᖅᑐᐊᖅᑕᐅᔪᓄᑦ ᐅᕝᕙᓘᓐᓃᑦ ᓂᐅᕕᐊᔅᓴᓄᑦ, ᓄᓇᕗᒻᒥ ᑮᓇᐅᔭᖅᑐᓗᐊᖏᑦᑐᓂᑦ ᐃᓪᓗᖃᖅᑎᑦᑎᓂᕐᒧᑦ ᐱᓕᕆᔭᐅᔪᖅ ᐱᑕᖃᖅᑎᑦᑎᔪᑦ ᐊᑭᑐᔪᓄᑦ ᐋᖅᑭᔅᓯᒪᓂᖃᖅᑐᑎᑦ 10 ᐊᕐᕌᒍᓂ ᖁᔭᓈᖅᑕᐅᔪᓐᓇᖅᑐᑦ ᐊᑐᖅᑐᐊᖅᑕᐅᔪᑦ $150,000 ᐊᑐᓂ ᐱᔪᓐᓇᖅᑎᑕᐅᔪᓂᑦ ᐃᓪᓗᓂᑦ, ᐱᖃᓯᐅᑎᓪᓗᑎ ᐊᑕᐅᓰᑦ ᐃᓚᒌᓄᑦ ᐃᓪᓗᐃᑦ, ᐊᖏᕋᕆᔭᐅᔪᓄᑦ ᑲᑎᓐᖓᔪᑦ ᐃᓪᓗᐃᑦ, ᑲᑎᓐᖓᔪᑦ ᐃᓪᓗᐃᑦ ᓇᒻᒥᓂᕆᔭᐅᔪᑦ, ᑯᐊᐳᕆᓴᐃᑦ, ᐊᒻᒪ ᐊᖏᕋᕆᔭᐅᔪᓂᑦ. ᐱᔪᓐᓇᖅᑎᑕᐅᔪᑦ ᑐᔅᓯᕋᐅᑎᓕᐅᖅᑐᑦ ᐱᖃᓯᐅᑎᔪᑦ ᐃᓄᐃᑦ ᑲᑐᔾᔨᖃᑎᒋᖏᑦ, ᐃᒻᒥᓂᖅᓱᖅᑐᑦ ᐃᓪᓗᓕᐅᖅᑎᑦ ᐊᒻᒪ ᓴᓇᔩᑦ, ᓄᓇᓕᐅᔪᑦ, ᐊᒻᒪ ᑮᓇᐅᔭᓕᐅᕋᓱᐊᖏᑦᑐᑦ ᑲᑐᔾᔨᖃᑎᒌᑦ ᕿᓂᖅᑐᓂᑦ ᑮᓇᐅᔭᖅᑐᓗᐊᖏᑦᑐᓂᑦ ᐃᓪᓗᖃᖅᑎᑦᑎᓂᕐᒧᑦ ᓄᓇᕗᒻᒥ.

ᓄᓇᕗᒻᒥ ᑮᓇᐅᔭᖅᑐᓗᐊᖏᑦᑐᓂᑦ ᐃᓪᓗᖃᖅᑎᑦᑎᓂᕐᒧᑦ ᐱᓕᕆᔭᐅᔪᖅ ᐱᓕᕆᐊᖅ ᐃᑲᔪᕐᓂᖃᖅᑐᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐅᓪᓗᒥᒨᖓᔪᓂᑦ ᐃᓪᓗᓂᑦ ᐊᖏᕋᒥ ᓇᒻᒥᓂᖃᓂᕐᒧᑦ ᐃᑲᔪᖅᑐᓂᑦ ᐱᓕᕆᐊᓂᑦ ᐱᖃᓯᐅᔾᔨᔪᑦᓴᖅᑭᖅᑎᑕᐅᒃᑲᓂᕐᓂᖏᑦ ᓄᓇᕗᒻᒥ ᓇᒻᒥᓂᖅ ᐊᖏᕋᖃᓂᕐᒧᑦ ᐃᑲᔫᑎᓂᑦ (HAP 2.0) ᐃᑲᔪᕐᓗᑎ ᓄᓇᕗᒻᒥᐅᓂᑦ ᓴᓇᓗᑎ ᓇᒻᒥᓂᖅ ᐊᖏᕋᕆᔭᖏᓐᓂ. ᒫᓐᓇᐅᔪᒥᑦ ᓇᒻᒥᓂᖅ ᐊᖏᕋᖃᖅᑐᓄᑦ, ᐱᐅᓯᑎᒋᐊᖅᓯᒪᔪᑦ ᓴᓇᔭᐅᓂᖏᓐᓄᑦ ᐱᓕᕆᐊᑦ ᐊᖏᓪᓕᑎᑦᑎᒋᐊᓂᐊᖅᑐᑦ ᐱᔪᓐᓇᖅᑎᑕᐅᔪᓂᑦ ᐊᒻᒪ ᖁᑦᑎᓂᖅᓴᓂᑦ ᑮᓇᐅᔭᖃᖅᑎᑦᑎᓗᑎ ᖁᕝᕙᓯᓐᓂᖏᓐᓂ. ᖁᕝᕙᕆᐊᖅᑕᐅᓯᒪᔪᑦ ᐃᑲᔪᖅᑕᐅᓂᕐᒧᑦ ᐊᑐᐃᓐᓇᐅᓂᐊᖅᑐᑦ ᐊᑖᓂ ᓄᓇᕗᒻᒥ ᐊᑭᓕᐅᑕᐅᒋᐊᓐᖓᖅᑐᓂᑦ ᐃᑲᔪᖅᑕᐅᓂᕐᒧᑦ ᐱᓕᕆᐊᖅ (NDAP).

“ᐊᖏᓪᓕᒋᐊᕆᐊᖃᖅᑕᕗᑦ ᖃᓄᐃᑦᑐᒡᒍᑕᐅᓂᖏᑦ ᐃᓪᓗᖃᓂᕐᒧᑦ ᓂᕈᐊᕋᔅᓴᓂᑦ ᐊᑐᐃᓐᓇᐅᔪᑦ ᓄᓇᕗᒻᒥᐅᑕᓄᑦ,” ᐅᖃᖅᑐᑦ ᒥᓂᔅᑕ ᑲᒪᒋᔭᖃᖅᑐᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ, ᓗᐊᓐ ᑯᓱᒐᖅ. “ᓄᓇᕗᒻᒥ ᑮᓇᐅᔭᖅᑐᓗᐊᖏᑦᑐᓂᑦ ᐃᓪᓗᖃᖅᑎᑦᑎᓂᕐᒧᑦ ᐱᓕᕆᔭᐅᔪᖅ ᐱᓕᕆᐊᖅ ᓴᖅᑭᑎᑦᑎᔪᑦ ᓄᑖᓂᑦ ᐊᑐᖅᑕᐅᔪᓂᑦ ᑲᑎᑦᑎᑕᐅᓗᑎ ᑮᓇᐅᔭᖅᑐᓗᐊᖏᑦᑐᓂᑦ ᐃᓪᓗᓕᕆᓂᕐᒧᑦ ᐱᑕᖃᖏᑦᑐᓂᑦ. ᓄᓇᕗᒻᒥ ᑮᓇᐅᔭᖅᑐᓗᐊᖏᑦᑐᓂᑦ ᐃᓪᓗᖃᖅᑎᑦᑎᓂᕐᒧᑦ ᐱᓕᕆᔭᐅᔪᖅ ᐱᑕᖃᖅᑎᑦᑎᔪᑦ ᐃᓪᓗᓕᐊᖅᑎᓂᑦ ᐊᒻᒪ ᐱᕙᓪᓕᐊᑎᑦᑎᔪᓂᑦ ᑮᓇᐅᔭᑎᒍᑦ ᐃᑲᔪᖅᑕᐅᓂᕐᒧᑦ ᓱᒃᑲᓕᑎᒋᐊᖅᑕᐅᓗᑎ ᐱᑕᖃᖅᑎᑕᐅᓂᕐᓄᑦ ᑭᓇᐅᔭᖅᑐᓗᐊᖏᑦᑐᑦ ᐊᑐᖅᑐᐊᖅᑕᐅᔪᓂᑦ ᐊᒻᒪ ᓇᒻᒥᓂᖅ ᐊᖏᕋᖃᓂᕐᒧᑦ ᐃᓪᓗᓂᑦ. ᐅᓪᓗᒥᒨᖓᔪᑦ ᐃᓪᓗᐃᑦ ᓇᒻᒥᓂᖅ ᐊᖏᕋᖃᓂᕐᒧᑦ ᐱᓕᕆᐊᑦ ᑭᐅᓂᖃᖅᑐᑦ ᐅᕙᒍᑦ ᑐᓴᓚᐅᖅᑕᖏᓐᓂ ᓄᓇᕗᒻᒥᐅᓂᑦ. ᐱᓕᕆᐊᖃᓗᐊᖅᑐᒍᑦ ᐱᑕᖃᖅᑎᑦᑎᓗᑕ ᐱᓕᕆᐊᓂᑦ ᑎᑭᑦᑎᔪᓂᑦ ᐊᒥᓲᓂᖅᓴᓂᑦ ᓄᓇᕗᒻᒥᐅᑕᓂᑦ ᐊᒻᒪ ᐱᑕᖃᖅᑎᑎᓪᓗᑎ ᖁᕝᕙᕆᐊᖅᓯᒪᔪᓂᑦ ᑮᓇᐅᔭᑎᒍᑦ ᐃᑲᔪᖅᑕᐅᓂᕐᒧᑦ. ᑕᒪᓐᓇ ᐃᑲᔪᕐᓂᐊᖅᑐᖅ ᓄᓇᕗᒻᒥᐅᓂᑦ ᓇᒻᒥᓂᖅ ᐊᖏᕋᖃᓂᕐᒧᑦ ᐊᒻᒪ ᒪᑭᒪᑎᑕᐅᓗᑎ ᓄᓇᕗᒻᒥ ᒫᓐᓇᐅᔪᒥᑦ ᐃᓪᓗᖃᖅᑎᑕᐅᓂᕐᒧᑦ. ᐱᔭᐅᓯᒪᔪᑦ ᑲᑐᑎᔭᐅᓪᓗᑎ, ᑖᒃᑯᐊ ᐱᓕᕆᐊᑦ ᐃᑲᔪᕐᓂᐊᖅᑐᑦ ᓄᓇᕗᒻᒥ ᑎᑭᑦᑎᓗᑎ ᐅᕙᒍᑦ ᑐᕌᒐᖏᓐᓂ 3,000 ᓄᑖᓂᑦ ᐃᓪᓗᖃᖅᑎᑦᑎᓂᕐᒧᑦ ᑎᑭᑦᑎᓪᓗᒍ 2030.”

ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᔪᒪᔪᑦ ᑐᔅᓯᕋᐅᑎᓕᐅᕈᑎᓂᑦ ᓄᓇᕗᒻᒥ ᑮᓇᐅᔭᖅᑐᓗᐊᖏᑦᑐᓂᑦ ᐃᓪᓗᖃᖅᑎᑦᑎᓂᕐᒧᑦ ᐱᓕᕆᔭᐅᔪᒧᑦ ᒫᓐᓇ, ᑐᔅᓯᕋᐅᑎᓕᐅᕈᑏᑦ ᐅᓪᓗᒥᒨᖓᔪᓄᑦ ᓇᒻᒥᓂᖅ ᐊᖏᕋᖃᓂᕐᒧᑦ ᐃᑲᔪᓂᕐᒧᑦ ᐱᓕᕆᐊᓄᑦ ᒪᑐᐃᓛᖅᑐᑦ ᐊᒡᒋᖅᑐᓂᑦ ᑕᖅᑭᓂᑦ. ᓇᓗᓇᐃᔭᖅᓯᒪᓂᖏᑦ ᐊᑐᐃᓐᓇᐅᓛᖅᑐᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖓᓂ, ᓴᓇᔭᐅᓯᒪᓂᖃᒃᑲᓂᖅᑐᑦ ᐱᐅᓯᑎᒋᐊᖅᑕᐅᓗᑎ ᐱᔭᔅᓴᐅᓂᖏᓐᓄᑦ ᑐᑭᓯᒋᐊᕈᑏᑦ ᐊᒻᒪ ᐃᑲᔪᖅᑕᐅᓂᕐᒧᑦ ᑎᑎᕋᖅᓯᒪᔪᑦ ᓄᓇᕗᒻᒥᐅᓄᑦ ᑐᔅᓯᕋᕐᓗᑎ ᑖᒃᑯᓂᖓ ᐱᓕᕆᐊᓂᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐱᔾᔪᑎᖃᖅᑐᓂᑦ ᐊᑕᖏᖅᑐᓂᑦ ᐃᓪᓗᓂᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᓪᓗᖃᖅᑎᑦᑎᓂᕐᒧᑦ ᐱᓕᕆᐊᓂᑦ ᖃᐅᔨᒋᐊᕐᕕᒋᓗᒍ https://www.nunavuthousing.ca/?&lang=iu.